Dead Sea Scrolls Textual Critical Edition – Deuteronomy

Dead Sea Scrolls TC Edition - Deuteronomy

Deuteronomy / אלה הדברים - According to Dead Sea Scrolls Manuscripts Combined

Chapter 1
1	אלה הדברים אשר דבר משה אל כל ישראל בעבר הירדן במדבר בערבה מול בין פארן ובין תפל ולבן וחצרת ודי זהב
2	אחד עשר יום מחרב דרך הר שעיר עד קדש ברנע
3	ויהי בארבעים שנה בעשתי עשר חדש באחד לחדש דבר משה אל בני ישראל ככל אשר צוה יהוה אתו אליהם
4	אחרי הכתו את סיחון מלך האמרי אשר יושב בחשבון ואת עוג מלך הבשן אשר יושב בעשתרת באדרעי
5	בעבר הירדן בארץ מואב הואיל משה באר את התורה הזאת לאמר
6	יהוה אלהינו דבר אלינו בחרב לאמר רב לכם שבת בהר הזה
7	פנו וסעו לכם ובאו הר האמרי ואל כל שכניו בערבה בהר ובשפלה בנגב ובחוף הים ארץ הכנעני והלבנון עד הנהר הגדול נהר פרת
8	ראו נתתי לפניכם את הארץ בואו ורשו את הארץ אשר נשבע יהוה לאבותיכם 2QDeuta, 4QpaleoDeutr: to your ancestors (plene spelling). 4QDeuth, Masoretic and SP have the defective spelling לאבתיכם. לאברהם וליצחק וליעקב לתת להם ולזרעם אחריהם
9	ואומר אלכם בעת ההיא לאמר לא אוכל לבדי שאת אתכם
10	יהוה אלהיכם הרבה אתכם והנכם היום ככוכבי השמים לרב
11	יהוה אלהי אבתיכם יוסיף עליכם ככם אלף פעמים ויברך אתכם כאשר דבר לכם
12	איכה אשא לבדי טרחכם ומשאכם וריבכם
13	הבו לכם אנשים חכמים ונבונים וידעים לשבטיכם ואשימם בראשיכם
14	ותענו אתי ותאמרו טוב הדבר אשר דברת לעשות
15	ואקח את ראשי שבטיכם אנשים חכמים ונבונים ואתן אתם ראשים עליכם שרי אלפים ושרי מאות ושרי חמשים ושרי עשרות ושטרים לשבטיכם
16	ואצוה את שפטיכם בעת ההוא לאמר שמע בין אחיכם ושפטתם צדק בין איש ובין אחיו ובין גרו
17	לא תכירו פנים במשפט כקטן כגדל תשמעון לא תגורו מפני איש כי המשפט לאלהים הוא והדבר אשר יקשה מכם תקריבון אלי ושמעתיו
22	ותקרבון אלי כלכם ותאמרו נשלחה אנשים לפנינו ויחפרו לנו את הארץ וישבו אתנו דבר את הדרך אשר נעלה בה ואת הערים אשר נבוא אליהן
23	וייטב בעיני הדבר ואקח מכמה שני עשר אנשים איש אחד לשבט
24	ויפנו ויעלו ההרה ויבאו עד נחל אשכל וירגלו הארץ
25	ויקחו בידם מפרי הארץ ויורדו אלינו וישבו אתנו דבר ויאמרו טובה הארץ אשר יהוה אלוהינו נתן לנו
29	ואמר אלכם לא תערצון ולא תיראון מהם
31	ובמדבר אשר ראית אשר נשאך יהוה אלהיך כאשר ישא איש את בנו בכל הדרך אשר הלכתם עד באכם עד המקום הזה
32	ובדבר הזה אינכם מאמינם ביהוה אלהיכם
33	ההלך לפניכם בדרך לתור לכם מקום לחנתכם באש לילה להראות בדרך אשר תלכו בה ובענן יומם
35	אם יראה איש באנשים האלה הדור הרע הזה את הארץ הטובה אשר נשבעתי לתת לאבתיכם
36	זולתי כלב בן יפנה הוא יראנה ולו אתן את הארץ אשר דרך בה ולבניו יען אשר מלא אחרי יהוה
37	גם בי התאנף יהוה בגללכם לאמר גם אתה לא תבוא שמה
38	יהושע בן נון העמד לפניך הוא יבא שמה אתו חזק כי הוא ינחלנה את ישראל
39	וטפכם אשר אמרתם לבז יהיה ובניכם אשר לא ידע היום טוב ורע המה יבאו שמה ולהם אתננה והם יירשוה
41	ותענו ותאמרו אלי חטאנו ליהוה אנחנו נעלה ונלחמנו ככל אשר צונו יהוה אלהינו ותחגרו איש את כלי מלחמתו ותהינו לעלת ההרה
43	ואדבר אליכם ולא שמעתם ותמרו את פי יהוה ותזדו ותעלו ההרה
44	ויצא האמרי הישב בהר ההוא לקראתכם וירדפו אתכם כאשר תעשינה הדברים ויכתו אתכם בשעיר עד החרמה
45	ותשבו ותבכו לפני יהוה ולא שמע יהוה בקלכם ולא האזין אליכם
46	ותשבו בקדש ימים רבים כימים אשר ישבתם
Chapter 2
1	ונפן ונסע המדברה דרך ים סוף כאשר דבר יהוה אלי ונסב את הר שעיר ימים רבים
2	ויאמר יהוה אלי לאמר
3	רב לך סוב את ההר הזה פנו לכם צפונה
4	ואת העם צו לאמר אתם עברים בגבול אחיכם בני עשו הישבים בשעיר ויראו מכם ונשמרתם מאד
5	אל תתגרו בם כי לא אתן לכם מארצם עד מדרך כף רגל כי ירשה לעשו נתתי את הר שעיר
6	אכל תשברו מאתם בכסף ואכלתם וגם מים תכרו מאתם בכסף ושתיתם
8	ונעבר מאת אחינו בני עשו הישבים בשעיר מדרך הערבה מאילת ומעצין גבר ונפן ונעבר דרך מדבר מואב
9	ויאמר יהוה אלי אל תצר את מואב ואל תתגר בם מלחמה כי לא אתן לך מארצו ירשה כי לבני לוט נתתי את ער ירשה
24	קומו סעו ועברו את נחל ארנן ראה נתתי בידך את סיחן מלך חשבון האמרי ואת ארצו החל רש והתגר בו מלחמה
25	היום הזה אחל תת פחדך ויראתך על פני העמים תחת כל השמים אשר ישמעון את שמעך ורגזו וחלו מפניך
26	ואשלח מלאכים מדבר קדמת אל סיחן מלך חשבון דברי שלום לאמר
27	אעברה בארצך בדרך בדרך אלך לא אסור ימין ושמאל
28	אכל בכסף תשברני ואכלתי ומים בכסף תתן לי ושתיתי רק אעברה ברגלי
29	כאשר עשו לי בני עשו היושבים בשעיר והמואבים היושבים 4QDeuth: the ones living (plene spelling). 4QDeutd, Masoretic and SP have the defective spelling הישבים. בער עד אשר אעבר את הירדן אל הארץ אשר יהוה אלהינו נתן לנו
30	ולא אבה סיחון מלך חשבון העברנו בו כי הקשה יהוה אלהיך את רוחו ואמץ את לבבו למען תתו בידך כיום הזה
31	ויאמר יהוה אלי ראה החלתי תת לפניך את סיחן ואת ארצו החל רש לרשת את ארצו
33	ויתנהו יהוה אלהינו לפנינו ונך אתו ואת בנו ואת כל עמו
34	ונלכד את כל עריו בעת ההיא ונחרם את כל עיר מתם והנשים והטף לא השארנו שריד
35	רק הבהמה בזזנו לנו ושלל הערים אשר לכדנו
36	מערער אשר על שפת נחל ארנן והעיר אשר בנחל ועד הגלעד לא היתה קריה אשר שגבה ממנו את הכל נתן יהוה אלהינו לפנינו
Chapter 3
14	יאיר בן מנשה לקח את כל חבל ארגב עד גבול הגשורי והמעכתי ויקרא אתם על שמו את הבשן חות יאיר עד היום הזה
16	ולראובני ולגדי נתתי מן הגלעד עד נחל ארנן תוך הנחל וגבל ועד יבק הנחל גבול בני עמון
17	והערבה והירדן וגבול מכנרת ועד ים הערבה ים המלח תחת אשדת הפזגה מזרחה
18	ואצו אתכם בעת ההיא לאמור יהוה אלוהיכמה 4QDeutm^(vid): your God (plene spelling). 4QDeutd, Masoretic and SP have the defective spelling אלהיכם. נתן לכם את הארץ הזאת לרשתה חלצים תעברו לפני אחיכם בני ישראל כול 4QDeutm: all (plene spelling). 4QDeutd, Masoretic and SP have the defective spelling כל. בני חיל
19	רק נשיכמה 4QDeutm: your wives (plene spelling). 4QDeutd and Masoretic have the defective spelling נשיכם. SP reads טפכם meaning your little children. וטפכמה 4QDeutm, Mas (וטפכם): and your little children. 4QDeutd reads טפכם, omitting the initial ו and means your little children (see previous footnote 5 for SP reading the same). SP reads ונשיכם meaning and your women. ומקנכמה 4QDeutm: and your livestock (plene spelling). 4QDeutd, Masoretic and SP have the defective spelling ומקנכם. ידעתי כי מקנה רב לכם ישבו בעריכם אשר נתתי לכמה 4QDeutm: to you all (plene spelling). 4QDeutd, Masoretic and SP have the defective spelling לכם.
20	עד אשר יניח יהוה אלוהיכמה 4QDeutm, LXX: your God. 4QDeutd, Masoretic and SP omit. לאחיכמה ככמה וירשו גם המה 4QDeutm: they (plene spelling). 4QDeutd, Masoretic and SP have the defective spelling הם. את הארץ אשר יהוה אלהיכמה 4QDeutm: your God (plene spelling). 4QDeutd, Masoretic and SP have the defective spelling אלהיכם. נותן 4QDeutm: is giving (plene spelling). 4Deutd, Masoretic and SP have the defective spelling נתן. להמה 4QDeutm: to them (plene spelling). 4QDeutd, Masoretic and SP have the defective spelling להם. בעבר הירדן ושבתם איש לירשתו אשר נתתי לכם
21	ואת יהושוע 4QDeutm, Mas: Joshua (plene spelling). 4QDeutd and SP have the defective spelling יהושע. צויתי בעת ההיאה לאמר עיניך הראת את כל אשר עשה יהוה אלהיכם לשני המלכים האלה כן יעשה יהוה לכל הממלכת אשר אתה עבר שם
22	ולוא 4QDeutm: And do not. 4QDeutd, Masoretic and SP read לא meaning Do not. תיראום 4QDeutm, Mas, LXX: all of you fear (plural). 4QDeutd and SP read the singular תיראם. כי יהוה אלהיכם הוא הנלחם לכם
23	ואתחנן אל יהוה בעת ההיא לאמר
24	אדני יהוה אתה החלת להראות 4QDeute, Mas, LXX: to demonstrate (plene spelling). 4QDeutd has the defective spelling להראת. את עבדך את גדלך ואת ידך החזקה אשר מי אל בשמים ובארץ אשר יעשה כמעשיך וכגבורתך
25	אעברה נא ואראה את הארץ הטבה אשר בעבר הירדן ההר הטוב הזה והלבנון
26	ויתעבד יהוה בי למענכם ולא שמע אלי ויאמר יהוה אלי רב לך אל תסף דבר אלי עוד בדבר הזה
27	עלה על ראש הפסגה ושא עיניך ים וצפנה תימנה ומזרחה וראה בעיניך כי לא תעבר את הירדן הזה
28	וצו את יהושע וחזקהו ואמצהו כי הוא יעבר לפני העם הזה והוא ינחל אתם את הארץ אשר תראה
29	ונשב בגיא מול בית פעור
Chapter 4
1	ועתה ישראל שמע אל החקים ואל המשפטים אשר אנכי מלמד אתכם לעשות למען תחיו ובאתם וירשתם את הארץ אשר יהוה אלהי אבתיכם נתן לכם
13	ויגד לכם את בריתו אשר צוה אתכם לעשות עשרת הדברים ויכתבם על שני לחות אבנים
14	ואותי צוה יהוה בעת ההוא ללמד אתכם חקים ומשפטים לעשותכם אותם בארץ אשר אתם עברים הירדן שמה לרשתה
15	ונשמרתם מאד לנפשתיכם כי לא ראיתם כל תמונה ביום דבר יהוה אליכם בחרב מתוך האש
16	פן תשחתון ועשיתם לכם פסל תמונת כל סמל תבנית זכר או נקבה
17	תבנית כל בהמה אשר בארץ תבנית כל צפור כנף אשר תעוף בשמים
23	השמרו לכם פן תשכחו את ברית יהוה אלהיכם אשר כרת עמכם ועשיתם לכם פסל תמונת כל אשר צוך יהוה אלהיך
24	כי יהוה אלהיך אש אכלה הוא אל קנא
25	כי תוליד בנים ובני בנים ונושנתם בארץ והשחתם ועשיתם פסל תמונת כל ועשיתם הרע בעיני יהוה אלהיך להכעיסו
26	העידתי בכם היום את השמים ואת הארץ כיא אבד תאבדון מהר מעל הארץ אשר אתם עברים את הירדן שמה לרשתה לא תאריכן ימים עליה כיא השמד תשמדון
30	בצר לך ומצאוך כל הדברים האלה באחרית הימים ושבת עד יהוה אלהיך ושמעת בקלו
31	כי אל רחום יהוה אלהיך לא ירפך ולא ישחיתך ולא ישכח את ברית אבתיך אשר נשבע להם
32	כי שאל נא לימים ראשנים אשר היו לפניכה למן היום אשר ברא אלהים אדם על הארץ ולמקצה השמים ועד קצה השמים הנהיה כדבר הגדול הזה או הנשמע כמהו
33	השמע עם קול אלהים מדבר מתוך האש כאשר שמעת 4QDeuto, Mas, SP: you heard (singular). 4QDeutm reads the plural, plene spelling שמעתמה meaning all of you heard. אתה ויחי
34	או הנסה אלהים לבוא לקחת לו גוי מקרב גוי במסת באתות 4QDeuto, SP: signs (plene spelling). 4QDeutm and Masoretic have the defective spelling באתת. ובמפתים ובמלחמה וביד חזקה ובזרע נטויה ובמוראים גדולים ככל אשר עשה לכם יהוה אלהיכם במצרים לעיניך
47	ויירשו את ארצו ואת ארץ עוג מלכה הבשן שני מלכי האמרי אשר בעבר הירדן מזרח שמש
49	וכל הערבה תחת אשדת הפסגה מזרחה ועד ים הערבה עבר הירדן 1QDeuta reconstructed. Judging from the space in 1QDeuta, either the scribe made an error and skipped from one instance of הערבה to the other (hence completely omitting עבר הירדן מזרחה ועד ים הערבה), or he had a different text which I have attempted a reconstruction of. The reading here would be translated and all the Arabah, under the slopes of Pisgah, eastward, and as far as the sea of Arabah across the Jordan.
Chapter 5
1	ויקרא מושה 4QDeutj: Moses (plene spelling). 4QDeutn, Masoretic and SP have the defective spelling משה. אל כול 4QDeutj: all (plene spelling). 4QDeutn, Masoretic and SP have the defective spelling כל. ישראל ויואמר 4QDeutj: and speaking (plene spelling). 4QDeutn, Masoretic and SP have the defective spelling ויאמר. אליהם שמעה ישראל את החוקים ואת המשפטים אשר אנוכי דובר באוזניכם היום 4QDeutn, 4QDeuto, Mas, SP: today. 4QDeutj reads היום הזה meaning this day, a reading supported by the LXX: τη ημερα ταυτη . ולמדתם אותם ושמרתם לעשותם
2	יהוה אלוהינו כרת עמנו ברית בחורב 4QDeutj, 4QDeutn, SP: at Horeb (plene spelling). 4QDeuto and Masoretic have the defective spelling בחרב.
3	לא את אבותינו כרת יהוה את הברית הזאת 4QDeutj, Mas, SP: this. 4QDeutn reads an alternative form הזות (both pronounced ha-zowth) meaning the same thing. כי אתנו אנחנו אלה פה היום כולנו חיים היום 4QDeutn, LXX: today. Masoretic and SP omit the word. Possibly omitted by 4QDeutj, but manuscript has a lacunae at the end of verse 3.
4	פנים בפנים דבר יהוה עמכם בהר מתוך האש
5	ואנוכי עומד בין יהוה וביניכם בעת ההיא להגיד לכם את דברי יהוה 4QDeutj, Mas, SP, LXX: Yahweh. 4QDeutn reads יהוה אלוהיכם meaning Yahweh your God. כי יראתם מפני האש ולוא עליתם בהר לאמור 4QDeutj, Mas, SP, LXX: Yahweh. 4QDeutn reads יהוה אלוהיכם meaning Yahweh your God.
6	אנוכי יהוה אלוהיך אשר הוצאתיך מארץ מצרים מבית עבדים
7	לוא יהיה לך אלוהים אחרים על פני
8	לוא תעשה לך פסל וכול תמונה אשר בשמים ממעל ואשר בארץ מתחת ואשר במים מתחת לארץ
9	לוא תשתחוה להם ולוא תעובדם 4QDeutn, Mas & SP (תעבדם): you serve them. 4QDeuto^(vid) reads תעבד להם meaning you give service to them. כי אנוכי יהוה אלוהיך אל קנא פוקד עוון אבות על בנים על שלשים ועל רבעים לשונאי 4QDeutj: of those despising me. 4QDeutn, Masoretic and SP have the defective spelling לשנאי.
10	עושה חסד לאלפים לאוהבי ולשומרי מצוותי
11	לוא תשא את שם יהוה אלוהיך לשוא כי לוא ינקה יהוה את אשר ישא את שמו לשוא
12	שמור את יום השבת לקדשו כאשר צוך יהוה אלוהיך
13	ששת ימים תעבוד ועשית את כול מלאכתך
14	וביום השביעי שבת ליהוה אלוהיך לוא תעשה בו כל מלאכה אתה בנך בתך עבדך ואמתך שורך וחמורך וכל 4QDeutj^(vid), Mas, SP, LXX: and all your cattle. 4QDeutn reads ובהמתך meaning and your cattle. בהמתך גריך אשר בשעריך למען ינוח עבדך ואמתך כמוך
15	וזכרתה כי עבד היית בארץ מצרים ויציאך יהוה אלוהיך משם ביד חזקה ובזרוע נטויה על כן צוך יהוה אלוהיך לשמור את יום השבת לקדשו כי ששת ימים עשה יהוה את השמים ואת הארץ את הים וכול אשר בם וינוח ביום השביעי על כן ברך יהוה את יום השבת לקדשו
16	כבד את אביך ואת אמך כאשר צוך יהוה אלוהיך למען יאריכון ימיך ולמען ייטב לך על האדמה אשר יהוה אלוהיך נותן לך
17	לוא תרצח
18	לוא תנאף
19	לוא תגנוב
20	לוא תענה ברעיך עד שוא
21	לוא תחמוד אשת רעיך לוא תחמוד בית רעיך שדהו עבדו אמתו שורו חמורו וכול אשר לרעיך
22	את הדברים האלה דבר יהוה אל כול קהלכם בהר מתוך האש חושך ענן וערפל קול גדול ולוא יסף ויכותבם על שני לוחות אבנים ויתנם אלי
23	ויהי כשומעכם את הקול מתוך החושך וההר בוער באש ותקרבון אלי כול ראשי שבטיכם וזקניכם
24	ותאמר הן 4QDeutn, Mas, SP: Behold!4QDeutj uses the more common form הנה meaning the same. הראנו יהוה אלוהינו את כבודו ואת גודלו ואת קולו שמענו מתוך האש ביום הזה ראינו כי ידבר יהוה את האדם וחי
25	ועתה למה נמות כי תאכלנו האש הגדולה הזואת אם יוסיפים אנחנו לשמוע את קול יהוה אלוהינו עוד ומתנו
26	כי מי כול בשר אשר שמע קול אלוהים חי מדבר מתוך האש כמונו ויחי
27	קרב אתה ושמע את כול אשר ידבר יהוה אלוהינו אליכה 4QDeutj, LXX: to you. 4QDeutn, Masoretic ad SP omit. ואתה תדבר אלינו את כול אשר ידבר יהוה אלוהינו אליך ושמענו ועשינו
28	וישמע יהוה את קול דבריכם בדברכם אלי ויאמר יהוה אלי שמעתי את קול דברי העם הזה אשר דברו אליך היטיבו כול אשר דברו
29	מי יתן והיה לבבם זה להם 4QDeutj, 4QDeutk1, Mas, SP: to them (defective spelling). 4QDeutn has the plene spelling להמה. ליראה אותי ולשמור מצותי כול הימים למען ייטב להם ולבניהם לעולם
30	לך אמור להם שובו לכם לאהליכם
31	ואתה פה עמוד עמדי ואדברה אליכה את כול המצוה החקים והמשפטים אשר תלמדם ועשו בארץ אשר אנוכי נותן להם לרשתה
32	ושמרתם לעשות כאשר צוה יהוה אלוהיכם אתכם לוא תסורו ימין ושמאל
33	בכול הדרך אשר צוה יהוה אלוהיכם אתכם תלכון 4QDeutj, SP: you must go (emphatic paragogic nun). 4QDeutn and Masoretic read the non-paragogic form תלכו. למען תחיון וטוב לכם והארכתם ימים בארץ אשר תירשון
Chapter 6
1	וזאת המצוה החוקים והמשפטים אשר צוה יהוה אלוהיכם ללמד אתכם לעשות בארץ אשר אתם עוברים שמה לרשתה
2	למען תירא את יהוה אלוהיכה לשמור את כול הוקותיו ומצוותיו אשר אנוכי מצוך אתה ובנך ובן בנך כול ימי חייך ולמען יארכון ימיך
3	ושמעת ישראל ושמרת לעשות אשר ייטב לך ואשר תרבון מאד כאשר דבר יהוה אלוהי אבתיך לך ארץ זבת חלב ודבש
4	שמע ישראל יהוה אלהינו יהוה אחד
5	ואהבת את יהוה אלהיך בכל לבבך ובכל נפשך ובכל מאדך
6	והיו הדברים האלה אשר אנכי מצוך היום על לבבך
7	ושננתם לבניך ודברת בם בשבתך בביתך ובשכבך ובקומך Based on the space in 4QDeutp, this verse was shorter than in the Masoretic and LXX versions. A possible omission of ובלכתך בדרך would account for the lacunae.
8	וקשרתם לאות על ידך והיו לטוטפות בין עיניך
9	וכתבתם על מזוזת ביתך ובשעריך
10	והיה כי יביאך יהוה אלהיך אל הארץ אשר נשבע לאבתיך לאברהם ליצחק וליעקב לתת לך ערים גדלות וטבת אשר לא בנית
11	ובתים מלאים כל טוב אשר לא מלאת וברת חצובים אשר לא חצבת כרמים וזיתים אשר לא נטעת ואכלת ושבעת
18	ועשית הישר והטוב בעיני יהוה למען ייטב לך ובאת וירשת את הארץ הטבה אשר נשבע יהוה לאבתיך
Chapter 7
2	ונתנם יהוה אלהיך לפניך והכיתם החרים תחרים אותם לא תכרת להם ברית ולא תחנם
3	ולא תתחתן בם בתך לא תתן לבנו ובתו לא תקח לבנך
4	כי יסיר את בנך מאחרי ועבד אלהים אחרים וחרה אף יהוה אלהיכם בכם והשמידך מהר
5	כי אם כה תעשו להם מזבחתיהם תתצו ומצבתם תשברו ואשירהם תגדעון ופסיליהם תשרפון באש
6	כי עם קדוש אתה ליהוה אלהיך בך בחר יהוה אלהיך להיות לו לעם סגלה מכל העמים אשר על פני האדמה
7	לא מרבכם מכל העמים חשק יהוה בכם ויבחר בכם כי אתם המעט מכל העמים
8	כי מאהבת יהוה אתכם ומשמרו את השבעה אשר נשבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים
12	והיה עקב תשמעון את המשפטים האלה ושמרתם ועשיתם אתם ושמר יהוה אלהיך לך את הברית ואת החסד אשר נשבע לאבתיך
13	ואהבך וברכך והרבך וברך פרי בטנך ופרי אדמתך דגנך ותירשך ויצהרך שגר אלפיך ועשתרת צאנך על האדמה אשר נשבע לאבתיך לתת לך
14	ברוך תהיה מכל העמים לא יהיה בך עקר ועקרה ובבהמתך
15	והסיר יהוה ממך כל חלי וכל מדוי מצרים הרעים אשר ראותה ואשר 5QDeut, LXX: you have seen and which. 4QDeute, Masoretic and SP omit. ידעת לא ישימם בך ונתנם בכל שנאיך
16	ואכלת את כל העמים אשר יהוה אלהיך נתן לך לא תחס עינך עליהם 4QpaleoDeutr, Mas, SP: upon them. 5QDeut reads the different form עלהם meaning the same thing. ולא תעבד את אלהיהם כי מוקש הוא לך
17	כי תאמר בלבבך רבים הגוים האל ממני איכ אוכל להורישם 4QpaleoDeutr, Mas, SP: to dispossess them. 5QDeut reads an alternative spelling (or scribal mistake) להורשם meaning the same thing.
18	לא תירא מהם זכר תזכר את אשר עשה יהוה אלהיך 4QpaleoDeutr, Mas, SP: your God (defective spelling). 4QDeutm has the plene spelling אלוהיכה. לפרעה ולכל מצרים
19	המסת הגדלת היום אשר ראו עיניך האותות 4QpaleoDeutr, LXX, SP (האתות): the signs.5QDeut has an alternative spelling העותת, and Masoretic reads והאתת meaning and the signs. והמופתים 4QpaleoDeutr: and the wonders (plene spelling). 5QDeut and Masoretic have the defective spelling והמפתים. והיד החזקה והזרוע הנטויה אשר הוציאך יהוה אלהיך כן יעשה יהוה אלהיך 4QpaleoDeutr, 5QDeut, Mas, SP: your God (defective spelling). 4QDeutm has the plene spelling אלוהיכה. לכל 4QpaleoDeutr, 5QDeut, Mas, SP: to all (defective spelling). 4QDeutm has the plene spelling לכול. העמים אשר אתה ירא מפניהם
20	וגם את הצרעה ישלח יהוה אלהיך במה עד אבוד הנשארים והנסתרים מפניך
21	לא תערץ מפניהם כי יהוה אלהיך בקרבכה אל גדול ונורא
22	ונשל יהוה אלהיך את הגוים האלה מפניך מעט מעט לא תוכל כלתם 4QpaleoDeutr, 4QDeute, 5QDeut, Mas: to put them to an end (defective infinitive construct without ל). 4QDeutm has לכלותמה, the plene spelling and the infinitive construct with ל. SP reads כלותם which is the plene infinitive construct form. מהר פן תרבה עליך חית השדה
23	ונתנם יהוה אלהיך בידך 4QDeute, LXX: into your hand. 4QpaleoDeutr, Masoretic and SP read לפניך (Mas & SP: לפניך) meaning before your face. והומם 4QpaleoDeutr: and you shall confuse them (plene spelling). 4QDeute, Masoretic and SP have the defective spelling והמם. מהומה גדלה 4QDeute, 5QDeut, Mas, SP: great (defective spelling). 4QpaleoDeutr has the plene spelling גדולה. עד השמידם
24	ונתן מלכיהם בידך והאבדת את שמם מתחת השמים לא יתיצב איש לפניך עד השמידך אותם
25	פסילי אלהיהם תשרפון באש לא תחמד 4QDeute, Mas, SP, LXX: you shall covet (singular). 4QpaleoDeutr reads the plural תחמדו. כסף וזהב עליהם ולקחת לך פן תוקש בו כי תועבת יהוה אלהיך הוא
26	ולא תביא תועבה אל ביתך והיית חרם כמהו שקץ תשקצנו ותעב תתעבנו כי חרם הוא
Chapter 8
1	כל המצוה אשר אנכי מצוך היום תשמרון לעשות למען תחיון ורביתם ובאתם וירשתם את הארץ אשר נשבע יהוה לאבתיכם
2	וזכרת את כל הדרך אשר הוליכך יהוה אלהיך זה ארבעים שנה במדבר למען ענתך נסותך ולדעת את אשר בלבבך התשמר מצותיו 4QDeutf, Mas, SP: his commandments. 4QDeute reads the alternative form מצותו. Though this form could also be the singular, and mean his commandment. As the noun מצוה is feminine, the ות- ending can be the plural or the singular construct form, as the word root contains a ו in its spelling. In this case, the additional י suffix could be an indication to take מצותיו as a definite plural and not confuse it as a singular which מצותו could do. Interestingly, manuscript 4Deutn indicates the plural of מצוה with a double vav מצוות in all instances the word is extant. אם לא
3	ויענך וירעיבך ויאכילך את המן אשר לא ידעת ולא ידעון 4QDeute, 4QDeutf, Mas: they know (paragogic nun). 4QDeutc and SP read the non-paragogic (non-emphatic) form ידעו meaning the same thing. אבותיך למען הודיעך כי לא על הלחם לבדו יחיה האדם כי על כל מוצא פי יהוה יחיה האדם
4	שמלתך לא בלתה מעליך לך ורגלך לא בצקה זה ארבעים שנה
5	וידעת עם לבבכה 4QDeutj: heart (plene spelling). 4QDeutn, Masoretic and SP have the defective spelling לבבך. כי כאשר ייסר איש את בנו כן 4QDeutj, LXX: so. 4QDeutn, Masoretic and SP omit. יהוה אלוהיך 4QDeutn: your God (plene spelling for noun, defective spelling for pronoun). 4QDeutj reads the plene spelling for both noun and pronoun אלוהיכה. 4QDeutf, Masoretic and SP have the defective spelling for both: אלהיך. מיסרך
6	ושמרתה את מצוות 4QDeutj: commandments (plene or alternative spelling). 4QDeutn, Masoretic and SP have the more common or defective spelling מצות. יהוה אלוהיכה 4QDeutj: your God (plene spelling). 4QDeutn reads אלוהיך the plene spelling for the noun, defective spelling for pronoun. Masoretic and SP have the full defective spelling אלהיך. ללכת בכול 4QDeutj: in all. 4QDeutn, Masoretic, SP and LXX omit, attaching ב to the following word instead. דרכיו וליראה 4QDeutf, Mas, SP, LXX: by revering. 4QDeutn, in contrast to its usual main text readings which closely resemble the Masoretic Text-Type, reads ולאהבה meaning and by loving. אותו 4QDeutj, 4QDeutn: him (plene spelling). 4QDeute, 4QDeutf, Masoretic and SP read the defective spelling אתו.
7	כי יהוה אלוהיך 4QDeutn: your God (plene spelling for noun, defective spelling for pronoun). 4QDeutj reads the plene spelling for both noun and pronoun אלוהיכה. 5QDeut, Masoretic and SP have the defective spelling for both: אלהיך. מביאך אל ארץ טובה ורחבה ארץ נחלי מים עינות ותהומות יצאים בבקעה ובהר
8	ארץ חטה ושעורה 4QDeutn: and barley (plene spelling). 4QDeutf, Masoretic and SP have the defective spelling ושערה. וגפן תאנה 4QDeutn, SP, LXX: fig trees. 4QDeutf, 4QDeutj and Masoretic read ותאנה meaning and fig trees. ורמון ארץ זית שמן ודבש
9	ארץ אשר לא במסכנות תאכל בה לחם ולוא 4QDeutn: and not (plene spelling). 4QDeutf, Masoretic and SP have the defective spelling לא. תחסר כל בה ארץ אשר אבניה ברזל ומהריה תחצב 1QDeutb, 4QDeutf, 5QDeut, Mas, SP: you can mine (defective spelling). 4QDeutn has the plene spelling תחצוב. נחשת 4QDeutf, 5QDeut, Mas, SP: copper (defective spelling). 4QDeutn has the plene spelling נחושת.
10	ואכלת ושבעתה 4QDeutj, 4QDeutn: you shall be satisfied (plene spelling). 5QDeut, Masoretic and SP have the defective spelling ושבעת. וברכתה את יהוה אלוהיך על הארץ הטובה אשר נתן לך
11	השמר לך פן תשכח את יהוה אלהיך לבלתי שמר מצותיו ומשפטיו וחקתיו אשר אנכי מצוך היום
12	פן תאכל ושבעת ובתים טובים תבנה וישבת
13	בקרך וצאנך ירבין וכסף וזהב ירבה לך וכל אשר לך ירבה
14	ורם לבבך ושכחת את יהוה אלהיך המוציאך מארץ מצרים מבית עבדים
15	המוליכך במדבר הגדל והנורא נחש שרף ועקרב וצמאון אשר אין מים המוצא לך מים מצור החלמיש
16	המאכלך מן במדבר אשר לא ידעון אבתיך למען ענתך ולמען נסתך להיטבך באחרתך
17	ואמרת בלבבךם כחי ועצם ידי עשה לי את החיל הזה
18	וזכרת את יהוה אלוהיכה כי הוא הנתן לכה כח לעשות חיל למען הקים את בריתו אשר נשבע לאברהם ליצחק וליעקב כיום הזה
19	והיה אם שכח תשכח את יהוה אלוהיכה והלכתה 1QDeuta: and you go after (plene spelling). 4QDeute, Masoretic and SP have the defective spelling והלכת. אחרי אלוהים אחרים ועבדתם והשתחוית להם העדתי את השמים ואת הארץ בכם היום כיא אבד תאבדון
20	כגוים אשר יהוה מאביד מפניכם כן תאבדון עקב לא תשמעון בקול יהוה אלהיכם
Chapter 9
1	שמע ישראל אתה עבר היום את הירדן לבא לרשת גוים גדלים ועצמים ממך ערים גדלת ובצרת בשמים
2	עם גדול ורם בני ענקים אשר אתה ידעת ואתה שמעת מי יתיצב לפני בני ענק
4	אל תאמר בלבבך בהדף יהוה אלהיך אתם מלפניך לאמר בצדקתי הביאני יהוה לרשת את הארץ הזאת וברשעת הגוים האלה יהוה מורישם מפניך
5	לא בצדקתך ובישר לבבך אתה בא לרשת את ארצם כי ברשעת הגוים האלה יהוה אלהיך מורישם מפניך ולמען הקים את הדבר אשר נשבע יהוה לאבתיך לאברהם ליצחק וליעקב
6	וידעת כי לא בצדקתך יהוה אלהיך נתן לך את הארץ הטובה הזאת לרשתה כי עם קשה ערף אתה
7	זכר אל תשכח את אשר הקצפת את יהוה אלהיך במדבר למן היום אשר יצאת מארץ מצרים עד באכם אל המקום הזה ממרים הייתם עם יהוה
10	ויתן יהוה אלי את שני לוחת האבנים כתבים באצבע אלהים ועליהם ככל הדברים אשר דבר יהוה עמכם בהר מתוך האש ביום הקהל
11	ויהי מקץ ארבעים יום וארבעים לילה נתן יהוה אלי את שני לחת האבנים לחות הברית
12	ויאמר יהוה אלי קום רד מהר מזה כי שחת עמך אשר הוצאת ממצרים סרו מהר מן הדרך אשר צויתם עשו להם מסכה
13	ויאמר יהוה אלי לאמר ראיתי את העם הזה והנה עם קשה ערף הוא
14	הרף ממני ואשמידם ואמחה את שמם מתחת השמים ואעשה אותך לגוי עצום ורב ממנו
17	ואתפש בשני הלחת ואשלכם מעל שתי ידי ואשברם לעיניכם
18	ואתנפל לפני יהוה כראשנה ארבעים יום וארבעים לילה לחם לא אכלתי ומים לא שתיתי על כל חטאתכם אשר חטאתם לעשות הרע בעיני יהוה להכעיסו
19	כי יגרתי מפני האף והחמה אשר קצף יהוה עליכם להשמיד אתכם וישמע יהוה אלי גם בפעם ההוא
21	ואת חטאתכם אשר עשיתם את העגל לקחתי ואשרף אתו באש ואכת אתו טחון היטב עד אשר דק לעפר ואשלך את עפרו אל הנחל הירד מן ההר
22	ובתבערה ובמסה ובקברת התאוה מקצפים הייתם את יהוה
23	ובשלח יהוה אתכם מקדש ברנע לאמר עלו ורשו את הארץ אשר נתתי לכם ותמרו את פי יהוה אלהיכם ולא האמנתם לו ולא שמעתם בקלו
27	זכר לעבדיך לאברהם ליצחק וליעקוב אל תפן אל קשי העם הזה ואל רשעו ואל חטאתו
28	פן יאמרו הארץ אשר יוצאנו משם מבלי יכלת יהוה להביאם אל הארץ אשר דבר להם ומשנאתו אותם הוציאם להמתם במדבר
29	והם עמך ונחלתך אשר הוצאת בכחך הגדל ובזרעך הנטויה
Chapter 10
1	בעת ההוא אמר יהוה אלי פסל לך שני לוחת אבנים הראשונים ועלה אלי ההרה ועשית לך ארון עץ
2	ואכתב על הלחת את הדברים אשר יהוה היו על הלחת הראשנים אשר שברת ושמתם בארון
3	ואעש ארון עצי שטים ואפסל שני לחת אבנים כראשנים ואעל ההרה ושני הלחת בידי
5	ואפן וארד מן ההר ואשם את הלחת בארון אשר עשיתי ויהיו שם כאשר צוני יהוה
6	ובני ישראל נסעו מבארת בני יעקן מוסרה שם מת אהרן ויקבר שם ויכהן אלעזר בנו תחתיו
7	משם נסעו הגדגדה ומן הגדגדה יטבתה ארץ נחלי מים
8	בעת ההיאה הבדיל יהוה את שבט הלוי לשאת את ארון ברית יהוה ולעמוד לפני יהוה לשרתו ולברכה בשמו עד היום הזה
9	על כן לוא היה ללוי חלק ונחלה עם אחיו יהוה הואה נחלתו כאשר דבר יהוה אלוהיכה לו
10	ואנוכי עמדתי בהר כימים הראשונים ארבעים יום וארבעים לילה וישמע יהוה אלי גם בפעם ההיאה ולוא אבה יהוה השחיתכה
11	ויואמר יהוה אלי קום לכה למסע לפני העם ויבואו וירשו את הארץ אשר נשבעתי לאבותיהמה לתת להמה
12	ועתה ישראל מה יהוה אלהיך שואל מעמך כי אם ליראה את יהוה אלהיך ללכת בכל דרכיו ולאהבה אותו ולעבד את יהוה אלהיך בכל לבבך ובכל נפשך
14	הן ליהוה אלהיך השמים ושמי השמים הארץ וכל אשר בה
15	רק באבתיך חשק יהוה לאהבה אתם ויבחר בזרעם אחריהם בכם מכל העמים כיום הזה
Chapter 11
2	וידעתם היום כי לא את בניכם אשר לא ידעו ואשר לא ראו את מוסר יהוה אלהיכם את גדלו את ידו החזקה וזרעו הנטויה
3	ואת אתתיו ואת מעשיו אשר עשה בתוך מצרים לפרעה מלך מצרים ולכל ארצו
4	και οσα εποιησεν την δυναμιν των Αιγυπτιων, τα αρματα αυτων και την ιππον αυτων ως επεκλυσεν το υδωρ της θαλασση ερυθρας επι προσωπου αυτων καταδιωκοντων αυτων εκ των οπισω υμων και απωλεσεν αυτους יהוה εως της σημερον ημερας
6	ואשר עשה לדתן ולאבירם בני אליאב בן ראובן אשר פצתה הארץ את פיה ותבלעם ואת בתיהם ואת אהליהם ואת כול היקום אשר ברגליהם בקרב כול ישראל
7	כיא עיניכם הראת את כול מעשה יהוה הגדולים אשר לכם עשה
8	ושמרתם את כול המצוה החוקים והמשפטים אשר אנכי מצוך היום למען תחזקו ורביתם ובאתם וירשתמה את הארץ אשר אתם עוברים את הירדן שמה לרשתה
9	ולמען תאריכון ימים על האדמה אשר נשבע יהוה לאבותיכם לתת להם ולזרעם אחריהם זבת חלב ודבש
10	כיא 4QDeutk1: for (plene spelling). 4QDeutc , Masoretic and SP have the defective spelling כי. הארץ אשר אתמה באים שמה לרשתה לוא כארץ מצרים היאה 4QDeutk1: it (plene spelling, feminine). 4QDeutc and SP have the defective spelling היא. Masoretic has the masculine form הוא. אשר יצאתם משם אשר תזרע את זרעך והשקיתה ברגליכה 4QDeutk1: by your feet (plene spelling). 4QDeutc and SP have the defective spelling ברגליך. Masoretic reads the singular ברגלך. כגן הירק
11	והארץ אשר אתמה תזרע את זרעך לרשתה ארץ הרים ובקעות למטר השמים תשתה מים
12	ארץ אשר יהוה אלוהיכה 4QDeutk1: your God (plene spelling). 4QDeutc, Masoretic and SP have the defective spelling אלהיך. דורש 4QDeutk1: caring for (plene spelling). 4QDeutc, Masoretic and SP have the defective spelling דרש. אותה תמיד עיני יהוה אלהיכה בה מרשית שנה ועד אחרית שנה
13	והיה אם שמוע תשמעו אל מצותי אשר אנכי מצוה אתכם היום לאהבה את יהוה אלהיכם ולעבדו בכל לבבכם ובכל נפשכם
18	ושמתם את דברי אלה על לבבכם ועל נפשכם וקשרתם אתם לאות על ידכם והיו לטוטפות בין עיניכם
21	המצוה הזאת אשר אנכי מצוה אתכם לעשתה לאהבה את יהוה לאבותיכם לתת להם כימי השמים על הארץ ^note Manuscript 4QDeutj continues with a quotation of Exodus 12:43-13:5.
a21	ויואמר יהוה אל מושה ואהרון זאות חוקות הפסח כול בן נכר לוא יאוכל בו
b21	וכול עבד איש מקנת כסף ומלתה אתו אז יאוכול בו
d21	בבית אחד יאכל לא תוציא מן הבית מן הבשר לחוץ ועצם לוא תשברו בו
f21	וכי יגור אתכםה גר ועשה פסח ליהוה המול לו כול זכר ואז יקרב לעשתו והיה כאזרח הארץ וכול ערל לוא יאכל בו
g21	תורה אחת יהיה לאזרח ולגר הגר בתוככם
h21	ויעשו כול בני ישראל כאשר צוה יהוה את מושה ואת אהרון כן עשו
i21	ויהי בעצם היום הזה הוציא יהוה את בני ישראל מארץ מצרים על צבאותם
j21	וידבר יהוה אל מושה לאמור
k21	קדש לי כול בכור פטר כול רחם בבני ישראל באדם ובבהמה לי הוא
l21	ויואמר מושה אל העם זכור את היום הזה אשר יצאתם בו מארץ מצרים מבית עבדים כי בחוזק יד הוציא יהוה אתכם מזה ולוא יאכל חמץ
m21	היום אתמה יוצאים בחודש האביב
n21	והיה כי יביאך אלוהיכה אל הארץ הכנעני החתי והאמורי והפרזי החוי והיבוסי והגרגשי כאשר נשבע לאבותיכה לתת להם ולזרעם ועבדתה את העבודה הזאת בחודש הזה
27	את הברכה אשר תשמעו אל מצות יהוה אלוהיכמה אשר אנוכי מצוה אתכם היום
28	והקללה אם לא תשמעו אל מצות יהוה אלוהיכמה וסרתם מן הדרך אשר אנוכי מצוה אתכם היום ללכת אחרי אלוהים אחרים אשר לא ידעתם
29	והיה כי יביאכה יהוה אלוהיכה אל הארץ אשר אתה בא שמה לרשתה ונתתה את הברכה על הר גריזים ואת הקללה על הר עיבל
30	הלא המה בעבר הירדן אחרי דרך מבוא השמש בארץ הכנעני הישב בערבה מול הגלגל אצל אלוני מרה
31	כי אתם עברים את הירדן לבוא לרשת את הארץ אשר יהוה אלהיכם נתן לכם וירשתם אתה וישבתם בה
32	ושמרתם לעשות את כל החקים ואת המשפטים אשר אנכי נתן לפניכם היום
Chapter 12
1	ואלה החקים והמשפטים אשר תשמרון לעשות בארץ אשר נתן יהוה אלהי אבתיך לך לרשתה כל הימים אשר אתם חיים על האדמה
2	אבד תאבדון את כל המקמות אשר עבדו שם הגוים אשר אתם ירשים אתם את אלהיהם על ההרים הרמים ועל הגבעות ותחת כל עץ רענן
3	ונתצתם את מזבחתם ושברתם את מצבותיהם ואשריהם תשרפון באש ופסילי אלהיהם תגדעון ואבדתם את שמם מן המקום ההוא
5	כי אם אל המקום אשר יבחר יהוה אלהיכם מכל שבטיכם לשום את שמו שם לשכנו תדרשו ובאת שמה
10	ועברתם את הירדן וישבתם בארץ אשר יהוה אלהיכם מנחיל אתכם והניח לכם מכל איביכם מסביב וישבתם בטח
11	והיה המקום אשר יבחר יהוה אלהיכם בו לשכן שמו שם שמה תביאו את כל אשר אנכי מצוה אתכם עולתיכם וזבחיכם מעשרתיכם ותרמת ידכם וכל מבחר נדריכם אשר תדרו ליהוה
12	ושמחתם לפני יהוה אלהיכם אתם ובניכם ובנתיכם ועבדיכם ואמהתיכם והלוי אשר בשעריכם כי אין לו חלק ונחלה אתכם
18	כי אם לפני יהוה אלהיך תאכלנו במקום אשר יבחר יהוה אלהיך בו אתה ובנך ובתך ועבדך ואמתך והלוי אשר בשעריך ושמחת לפני יהוה אלהיך בכל משלח ידך
19	השמר לך פן תעזב את הלוי כל ימיך על האדמה
22	אך כאשר יאכל את הצבי ואת האיל כן תאכלנו הטמא והטהור יחדו יאכלנו
23	רק חזק לבלתי אכל הדם כי הדם הוא הנפש ולא תאכל הנפש עם הבשר
25	לא תאכלנו למען ייטב לך ולבניך אחריך כי תעשה הישר בעיני יהוה
26	רק קדשיך אשר יהיו לך ונדריך תשא ובאת אל המקום אשר יבחר יהוה
30	השמר לך פן תנקש אחריהם אחרי השמדם מפניך ופן תדרש לאלהיהם לאמר איכה יעבדו הגוים האלה את אלהיהם ואעשה כן גם אני
31	לא תעשה כן ליהוה אלהיך כי כל תועבת יהוה אשר שנא עשו לאלהיהם כי גם את בניהם ואת בנתיהם ישרפו באש לאלהיהם
Chapter 13
1	את כל הדבר אשר אנכי מצוה אתכם אתו תשמרו לעשות לא תסף עליו ולוא תגרע ממנו
2	כי יקום בקרבכה נביא או חלם חלום ונתן אליכה אות או מופת
3	ובא האות והמופת אשר דבר אליכה לאמר נלכה אחרי אלוהים אחרים אשר לא ידעתם ונעבדם
4	לא תשמעו אל דברי הנבי ההואה או אל חולם החלום ההוא כי מנסה יהוה אלוהיכמה אתכם לדעת הישכמה אהבים את יהוה אלוהיכמה בכל לבבכם ובכל נפשכם
5	אחרי יהוה אלוהיכמה 1QDeuta: your God (plene spelling). 4QDeutc, Masoretic and SP have the defective spelling אלהיכם. תלכון ואותו תעבדון ובקלו תשמעון ובו תדבקון ואתו תיראון ואת מצותיו תשמר 1QDeuta: all of you shall serve Him, and all of you shall listen to His voice, and all of you shall cling to him, and all of you shall revere Him, and you shall observe His commandments. 4QDeutc^(vid), Masoretic and SP read: תיראו(ן) ואת מצותיו תשמרו(ן) ובקלו תשמעו(ן) ואתו תעבדו(ן) ובו תדבקו(ן) meaning all of you shall revere Him, and all of you shall observe His commandments, and all of you shall listen to His voice, and all of you shall serve Him, and all of you shall cling to Him. LXX has φοβηθησεσθε και της φωνης αυτου ακουσεσθε και αυτω meaning all of you shall revere, and all of you shall listen to His voice, and all of you shall be joined Him.
6	והנבי ההואה או הלם החלים ההוא יומת כי דבר סרה על יהוה אלוהיכמה המוציא אתכם מארץ מצרים והפודכה מבית עבדים להדיחכה מן הדרכה אשר צוכה יהוה אלוהיכה ללכת ובערת הרע מקרבכה
7	כי יסיתך אחיך בן אביך או בן אמך או בנך או אשת חיקך או רעך אשר כנפשך בסתר לאמר נלכה ונעבדה אלהים אחרים אשר לא ידעת אתה ואבתיך
11	וסקלתו באבנים ומת כי בקש להדיחך מעל יהוה אלהיך המוציאך מארץ מצרים מבית עבדים
12	וכל ישראל ישמעו ויראון ולא יוסיפו לעשות כדבר הרע הזה בקרבך
13	כיא תשמע באחת עריכה אשר יהוה אלוהיכה נתן לכה לשבת שם לאמר
14	יצאו אנשים בני בליעל מקרבכה וידיחו את ישבי עירמה לאמור נלכה ונעבדה אלוהים אחרים אשר לא ידעתם
16	הכה תכה את ישבי העיר ההוא לפי חרב החרם אתה ואת כל אשר בה ואת בהמתה לפי חרב
17	ואת כל שללה תקבץ אל תוך רחבה ושרפת באש את העיר ואת כל שללה כליל ליהוה אלהיך והיתה תל עולם לא תבנה עוד
19	כי תשמע בקול יהוה אלהיך לשמר את כל מצותיו אשר אנכי מצוך היום לעשות הישר והטוב בעיני יהוה אלהיך
Chapter 14
1	בנים אתם ליהוה אלה יכם לא תתגדדו ולא תשימו קרחה בין עיניכם למת
2	כי עם קדוש אתה ליהוה אלהיך ובך בחר יהוה להיות לו לעם סגולה מכל העמים אשר על פני האדמה
4	וזאת הבהמה אשר תאכלו שור שה כשבים ושה עזים
5	איל וצבי ויחמור ואקו ודישן ותאו וזמר
19	וכל שרץ העוף טמא הוא לכם לא תאוכל
21	לא תאוכלו כל נבלה לגר אשר בשעריך תתננה ואכלה או מכר לנכרי כי עם קדוש אתה ליהוה אלהיך לא תבשל גדי בחלב אמו
22	עשר תעשר את כל תבואת זרעך היצא השדה שנה שנה
23	ואכלת לפני יהוה אלוהיכה במקום אשר יבחר לשכן שמו שם מעשר דגנכה תירשכה ויצהרכה ובכרת בקרכה וצאנכה למען תלמד ליראה את יהוה אלוהיכה כל הימים
24	וכי ירבה ממכה הדרכה כיא לא תוכל לשתו כיא ירחק ממכה המקום אשר יבחר יהוה אלוהיכה לשום שמו שם כיא יברככה יהוה אלוהיכה
25	ונתתה בכסף וצרת הכסף בידכה והלכת אל המקום אשר יבחר יהוה אלוהיכה בי
26	ונתתה הכסף בכל אשר תאוה נפשך בבקר ובצאן וביין ובשכר ובכל אשר תשאלךה נפשך ואכלת שם לפני יהוה אלהיך ושמחת אתה וביתך
27	והלוי אשר בשעריך לא תעזבנו כי אין לו חלק ונחלה עמך
28	מקצה שלש שנים תוציא את כל מעשר תבואתך בשנה ההוא והנחת בשעריך
29	ובא הלוי כי אין לו חלק ונחלה עמך והגר והיתום והאלמנה אשר בשעריך ואכלו ושבעו למען יברכך יהוה אלהיך בכל מעשה ידך אשר תעשה
Chapter 15
1	מקץ שבע שנים תעשה שמטה
2	וזה דבר השמטה שמוט כל בעל משה ידו אשר ישה ברעהו לא יגש כי קרא שמטה ליהוה
3	את הנכרי תגש ואשר יהיה לך את אחיך תשמט ידך
4	אפס כי לא יהיה בך אביון כי ברך יברכך יהוה בארץ אשר יהוה אלהיך נתן לך נחלה לרשתה
5	רק אם שמוע תשמע בקול יהוה אלהיך לשמר לעשות את כל המצוה הזאת אשר אנכי מצוך היום
6	כי יהוה אלהיך ברכך כאשר דבר לך והעבטת גוים רבים ואתה לא תעבט ומשלת בגוים רבים ובך לא ימשלו
8	כי פתח תפתח ידך לו והעבט תעביטנו די מחסרו אשר יחסר לו
9	השמר לך פן יהיה דבר עם לבבך בליעל לאמר קרבה שנת השבע שנת השמטה ורעה עינך באחיך האב יון ולא תתן לו וקרא עליך אל יהוה והיה בך חטא
10	נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשך ובכל משלח ידך
14	העניק תעניק לו מצאנך ומגרנך ומיקבך אשר ברכך אדני אלהיך תתן לו
15	וזכרת כי עבד היית בארץ מצרים ויפדך יהוה אלהיך על כן אנכי מצוך לעשתו את הדבר הזה היום
16	והיה כי יאמר אליך לא אצא מעמך כי אהבך ואת ביתך כי טוב לו עמך
17	ולקחת את המרצע ונתתה באזנו ובדלת והיה לך עבד עולם ואף לאמתך תעשה כן
18	לא יקשה בעינך בשלחך אתו חפשי מעמך כי משנה שכר שכר עבדך שש שנים וברכך יהוה אלהיך בכל אשר תעשה
19	כל הבכור אשר יולד בבקרך ובצאנך הזכר תקדיש ליהוה אלהיך לא תעבד בבכר שורך ולא תגז בכור צאנך
Chapter 16
2	וזבחת פסח ליהוה אלהיך צאן ובקר במקום אשר יבחר יהוה לשכן שמו שם
3	לא תאכל עליו חמץ שבעת ימים תאכל עליו מצות לחם עני כי בחפזון יצאת מארץ מצרים למען תזכר את יום צאתך מארץ מצרים כל ימי חייך
4	ולוא יראה לכה שאר בכל גבלכה שבעת ימים ולוא ילין מן הבשר אשר תזבח בערב ביום הראשון לבקר
6	כיא אם אל המקום אשר יבחר יהוה אלוהיכה 1QDeuta: your God (plene spelling). 4QDeutc, Masoretic and SP have the defective spelling אלהיך. בו 1QDeuta: in which. 4QDeutc, Masoretic and SP omit. לשכן שמו שם תזבח את הפסח בערב כבוא השמש מועד צאתך מארץ מצרים
7	ובשלתה ואכלת במקום אשר יבחר יהוה אלהיך בו ופנית בבקר והלכת לאהליך
8	שבעת ימים מצות תאכלו וביום השביעי עצרת ליהוה אלהיך לא תעשה בו כל מלאכה
9	שבעה שבעות תספר לך מהחל חרמש בקמה תחל לספר שבעה שבעות
10	ועשית חג שבעות ליהוה אלהיך מסת נדבות ידך אשר תתן כאשר יברכך יהוה אלהיך
11	ושמחת לפני יהוה אלהיך אתה בנך ובתך ועבדך ואמתך והלוי אשר בשערך והגר היתום ואלמנה אשר בקרבך במקום אשר יבחר יהוה אלהיך לשכן שמו שם
20	צדק צדק תרדף למען תחיה וירשת את הארץ אשר יהוה אלהיך נתן לך
21	לא תטע לך אשרה כל עץ אצל מזבח יהוה אלהיך אשר תעשה לך
22	ולא תקים לך מצבה אשר שנא יהוה אלהיך
Chapter 17
1	לא תזבח ליהוה אלהיך שור ושה אשר יהיה בו מום כל דבר רע כי תועבת יהוה אלהיך הוא
2	כי ימצא בקרבך באחד שעריך אשר יהוה אלהיך נתן לך איש או אשה אשר יעשה את הרע בעיני יהוה אלהיך לעבר בריתו
3	וילך ויעבד אלהים אחרים וישתחו להם ולשמש או לירח או לכל צבא השמים אשר לא צויתי
4	והגד לך ושמעת ודרשת היטב והנה אמת נכון הדבר נעשתה התועבה הזאת בישראל
5	והוצאת את האיש ההוא או את האשה ההוא אשר עשו את הדבר הרע הזה אל שעריך את האיש או את האשה וסקלתם באבנים ומתו
7	יד העדים תהיה בו בראשנה להמיתו ויד כל העם באחרנה ובערת הרע מקרבך
12	והאיש אשר יעשה בזדון לבלתי שמע אל הכהן העמד לשרת שם את יהוה אלהיכה או אל השפט ומת האיש ההוא ובערתה הרע מישראל
14	כי תבוא אל הארץ אשר יהוה אלוהיכה נותן לכה וירשתה וישבתה בה ואמרתה אשימה עלי מלכה ככול הגוים אשר סביבותי
15	שום תשים עליך מלך אשר יבחר יהוה אלהיך בו מקרב אחיך תשים עליך מלך לא תוכל לתת עליך איש נכרי אשר לא אחיך הוא
16	רק לא ירבה לו סוסים ולא ישיב את העם מצרימה למען הרבות סוס ויהוה אמר לכם לא תספון לשוב בדרך הזה עוד
17	ולא ירבה לו נשים ולא יסור לבבו וכסף וזהב לא ירבה לו מאד
18	והיה כשבתו על כסא ממלכתו וכתב לו את משנה התורה הזאת על ספר מלפני הכהנים הלוים
19	והיתה עמו וקרא בה כל ימי חייו למען ילמד ליראה את יהוה אלהיו לשמר את כל דברי התורה הזאת ואת החקים האלה לעשתם
20	לבלתי רום לבבו מאחיו מאחיו ולבלתי סור מן המצוה ימין ושמאול למען יאריך ימים על ממלכתו הוא ובניו בקרב ישראל
Chapter 18
1	לא יהיה לכהנים הלוים כל שבט לוי חלק ונחלה עם ישראל אשי יהוה ונחלתו יאכלון
6	וכי יבא הלוי מאחד שעריך מכל ישראל אשר הוא גר שם ובא בכל אות נפשו אל המקום אשר יבחר יהוה
7	ושרת בשם יהוה אלהיו ככל אחיו הלוים העמדים שם לפני יהוה
8	חלק כחלק יאכלון לבד ממכריו על האבות
9	כי אתה בא אל הארץ אשר יהוה אלהיך נתן לך לא תלמד לעשות כתועבת הגוים ההם
10	לא ימצא בך מעביר בנו ובתו באש קסם קסמים מעונן ומנחש ומכשף
18	נביא אקים להם מקרב אחיהם כמוך ונתתי דברי בפיו ודבר אליהם את כל אשר אצונו
19	והיה האיש אשר לא ישמע אל דברי אשר ידבר בשמי אנכי אדרש מעמו
20	אך הנביא אשר יזיד לדבר דבר בשמי את אשר לא צויתיו לדבר ואשר ידבר בשם אלהים אחרים ומת הנביא ההוא
21	וכי תאמר בלבבך איכה נדע את הדבר אשר לא דברו יהוה
22	אשר ידבר הנביא בשם יהוה ולא יהיה הדבר ולא יבוא הוא הדבר אשר לא דברו יהוה בזדון דברו הנביא לא תגור ממנו
Chapter 19
2	שלוש ערים תבדיל לך בתוך ארצך אשר יהוה אלהיך נתן לך לרשתה
3	תכין לך הדרך ושלשת את גבול ארצך אשר ינחילך יהוה אלהיך והיה לנוס שמה כל רצח
8	ואם ירחיב יהוה אלוהיכה את גבלכה כאשר נשבע לאבתיכה ונתן לכה את כול הארץ אשר דבר לתת לאבתיכה
9	כיא תשמר את כול המצוה הזאת לעשתה אשר אנוכי מצוכמה היום לאהבה את יהוה אלוהיכה וללכת בדרכיו כול הימים ויספת לכה עוד שלוש ערים על השלוש האלה
10	ולא ישפכה דם נקי בקרב ארצכה אשר יהוה אלוהיכה נתן לכה נחלה והיה עליכה דמים
11	וכיא יהיה איש שנא לרעהו וארב לו וקם עליו והכהו נפש ומת ונס אל מן הערים האלה
13	לוא תחוס עינכה עליו ובערת דם הנקי מישראל וטוב לכה
14	לוא תסיג גבול רעכה אשר גבלו ראשונים בנחלתכה אשר תנחל בארץ אשר יהוה אלוהיכה נתן לכה לרשתה
15	לוא יקום עד אחד באיש לכול עוון ולכול חטאת בכול חטא אשר יחטא על פי שני עדים או על פי שלשה עדים יקום דבר
16	כיא יקום עד חמס באיש לענות בו סרה
17	ועמדו שני האנשים אשר להם הריב לפני יהוה לפני הכהנים והשפטים אשר יהיו בימים ההם
18	ודרשו השפטים היטב והנה עד שקר העד שקר ענה באחיו
19	ועשיתם לו כאשר זמם לעשות לאחיו ובערת הרע מקרבך
20	והנשארים ישמעו ויראו ולא יספו לעשות עוד כדבר הרע הזה בקרבך
21	לא תחוס עינך נפשו בנפש עין בעין שן בשן יד ביד ורגל ברגל
Chapter 20
1	כי תצא למלחמה על איביך וראית סוס ורכב ועם רב ממך לא תירא מהם כי יהוה אלהיך עמך המעלך מארץ מצרים
2	והיה כקרבכם אל המלחמה ונגש הכהן ודבר אל העם
3	ואמר אליהם שמעה ישראל אתם קרבים היום למלחמה על איביכם אל ירך לבבכם אל תיראו ואל תחפזו ואל תערצו מפניהם
4	כי יהוה אלהיכם ההלך עמכם להלחם לכם עם איביכם להושיע אתכם
5	ודברו השטרים אל העם לאמר מי האיש אשר בנה בית חדש ולא חנכו ילך וישב לביתו פן ימות במלחמה ואיש אחר יחנכנו
6	ומי האיש אשר נטע כרם ולא חללו ילכה וישב לביתו פן ימות במלחמה ואיש אחר יחללנו
7	ומי האיש אשר ארש אשה ולוא לקחה ילכה וישב לביתו פן ימות במלחמה ואיש אחר יקחנה
8	ויספו השופטים לדבר אל העם ואמרו מי האיש הירא ורכה הלבב ילכה וישב לביתו ולא ימס את לבב אחיו כלבבו
9	והיה ככלות השטרים לדבר אל העם ופקדו שרי צבאות בראש העם
10	וכיא תקרב אל עיר להלחם עליה וקראת אליה לשלום
11	והיה אם שלום תענכה ופתחה לכה 4QDeutk2: to them (plene spelling). 4QDeuti^(vid), Masoretic and SP have the defective spelling לך. והיה כל העם הנמצא בה יהיו לך למס ועבדוך
12	ואם לוא תשלים עמכה ועשתה עמכה מלחמה וצרת עליה
13	ונתנה יהוה אלהיך בידך והכיתה את כל זכורה לפי חרב
14	רק הנשים והטף והבהמה וכול אשר יהיה בעיר כול שללה תבוז לכה ואכלת את שלל איביכה אשר נתן יהוה אלוהיכה לכה
15	כן תעשה לכול הערים הרחקת ממכה מאד אשר לוא מערי הגוים האלה הנה
16	רק מערי העמים האלה אשר יהוה אלוהיכה נתן לכה נחלה לוא תחיה כול נשמה
17	כיא החרם תחרימם החתי והאמרי הכנעני והפרזי והחוי והיבוסי כאשר צוכה יהוה אלוהיכה
18	למען אשר לוא ילמדו אתכם לעשות ככול תועבותם אשר עשו לאלוהיהם וחטאתם ליהוה אלוהיכם
19	כיא תצור אל עיר ימים רבים להלחם עליה לתפשה לא תשחית את עצה לנדח עליו גרזן כיא ממנו תאכל ואתו לא תכרת כי האדם עץ השדה לבא מפניכה במצור
Chapter 21
4	והרידו זקני העיר ההיא את העגלה אל נחל איתן אשר לא יעבד בו ולא יזרע וערפו שם את העגלה בנחל
5	ונגשו הכהנים בני לוי כי בם בחר יהוה אלהיך לשרתו ולברך בשם יהוה על פיהם יהיה כל ריב וכל נגע
6	וכל זקני העיר ההיא הקרבים אל החלל ירחצו את ידיהם על העגלה הערופה בנחל
7	וענו ואמרו ידינו לא שפכו את הדם הזה ועינינו לא ראו
8	כפר לעמך ישראל אשר פדית יהוה ואל תתן דם נקי בקרב עמך ישראל ונכפר להם הדם
9	ואתה תבער הדם 1QDeutb, Mas, SP: the blood. 4QDeutf reads דם which is the non-definite form meaning blood. הנקי מקרבך כי תעשה הישר בעיני יהוה
10	כי תצא למלחמה על איביך ונתנו יהוה אלהיך בידך ושבית שביו
11	וראית בשביה אשת יפת תאר וחשקת בה ולקחת לך לאשה
12	והבאתה אל תוך ביתך וגלחה את ראשה ועשתה את צפרניה
16	והיה ביום הנחילו את בניו את אשר יהיה לו לא יוכל לבכר את בן האהובה על פני בן השנואה הבכר
23	לא תלין נבלתו על העץ כי קבור תקברנו ביום ההוא כי קללת אלהים תלוי ולא תטמא את אדמתך אשר יהוה אלהיך נתן לך נחלה
Chapter 22
1	לא תראה את שור אחיך או את שיו נדחים והתעלמת מהם השב תשיבם לאחיך
2	ואם לא קרוב אחיך אליך ולא ידעתו ואספתו אל תוך ביתך והיה עמך עד דרש אחיך אתו והשבתו לו
3	וכן תעשה לחמרו וכן תעשה ולשלמתו וכן תעשה לכל אבדת אחיך אשר תאבד ממנו ומצאתה לא תוכל להתעלם
4	לא תראה את חמור אחיך או שורו נפלים בדרך והתעלמת מהם הקם תקים עמו
5	לא יהיה כלי גבר על אשה ולא ילבש גבר שמלת אשה כי תועבת יהוה אלהיך כל עושה אלה
6	כי יקרא קן צפור לפניך בדרך בכל עץ או על הארץ אפרחים או בצים והאם רובצת על האפרחים או על הביצים לא תקח האם על הבנים
7	שלח תשלח את האם ואת הבנים תקח לך למען ייטב לך והארכת ימים
8	כי תבנה בית חדש ועשית מעקה לגגך ולא תשים דמים בביתך כי יפל הנפל ממנו
9	לא תזרע כרמך כלאים פן תקדש המלאה הזרע אשר תזרע ותבואת הכרם
12	גדלים תעשה לך על ארבע כנפות כסותך אשר תכסה בה
14	ושם לה עללות דברים והוציא עליה שם רע ואמר את האשה הזאת לקחתי ואקרב אליה ולא מצאתי לה בתולים
15	ולקח אבי הנערה ואמה והוציאו את בתולי הנער אל זקני העיר השערה
16	ואמר אבי הנער אל הזקנים את בתי נתתי לאיש הזה לאשה וישנאה
17	והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר
18	ולקחו זקני העיר ההוא את האיש ויסרו אתו
19	וענשו אתו מאה כסף ונתנו לאבי הנערה כי הוציא שם רע על בתולת ישראל ולו תהיה לאשה לא יוכל לשלחה כל ימיו
Chapter 23
6	ולא אבה יהוה אלהיך לשמע אל בלעם ויהפך יהוה אלהיך לך את הקללה לברכה כי אהבך יהוה אלהיך
7	לא תדרוש שלמם וטובתם כל ימיך לעולם
8	לא תתעב אדמי כי אחיך הוא לא תתעב מצרי כי גר היית בארצו
12	והיה לפנות ערב ירחץ במים וכבא השמש יבוא אל תוך המחנה
13	ויד תהיה לך מחוץ למחנה ויצאת שמה חוץ
14	ויתד תהיה לך על אזנך והיה בשבתך החוצה 4QpaleoDeutr, SP: the outside (with directive suffixed ה). 4QDeuti and Masoretic have חוץ meaning outside with no definite article or directive suffixed ה. וחפרת בה והשיבות וכסית את צאתך
15	כי יהוה אלהיך מתהלך בקרב מחנך להצילך ולתת איביך לפניך והיה מחניך קדוש ולא יראה בך ערות דבר ושב מאחריך
16	לא תסגיר עבד אל אדניו אשר ינצל אליך מעם אדניו
18	לא תהיה קדשה מבנות ישראל ולא יהיה קדש מבני ישראל
19	לא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שניהם
20	לא תשיך לאחיך נשך כסף נשך אכל נשך כל דבר אשר ישך
21	לנכרי תשיך ולאחיך לא תשיך למען יברכך יהוה אלהיך בכל משלח ידך על הארץ אשר אתה בא שמה לרשתה
22	כיא תדר נדר ליהוה אלהיכה לוא תאחר לשלמו כי דרש ידרשנו יהוה אלוהיכה מעמכה והיה בכה חטא
23	וכי תחדל לנדר לא יהיה בך חטא
24	מוצא שפתיכה תשמור ועשית כאשר נדרת ליהוה אלהיך נדבה אשר דברת בפיכה 4QDeutk2: with your mouth (plene spelling). 4QDeuti, Masoretic and SP have the defective spelling בפיך.4QDeuti, Mas, SP: for. 4QDeutk2 reads כא, which is a scribal mistake for his usual כיא.
25	כי 4QDeutk2: with your mouth (plene spelling). 4QDeuti, Masoretic and SP have the defective spelling בפיך.4QDeuti, Mas, SP: for. 4QDeutk2 reads כא, which is a scribal mistake for his usual כיא. תבא בכרם רעך ואכלת ענבים כנפשך שבעך ואל כליכה 4QDeutk2: your container (plene spelling). 4QDeuti, Masoretic and SP have the defective spelling כליך. לא תתן
26	כי תבא בקמת רעך וקטפת מלילת בידך וחרמש לא תניף על קמת רעך
Chapter 24
1	כי יקח איש אשה ובעלה והיה אם לא תמצא חן בעיניו כיא 4QDeutk2: for (plene spelling). 4QDeuta, Masoretic and SP have the defective spelling כי. מצא בה ערות דבר וכתב לה ספר כריתות ונתן בידה ושלחה מביתו
2	ויצאה מביתו 4QDeutk2, Mas, SP: and when she has departed from his house. 4QDeuta omits, a reading followed by the LXX. Either this was added to make it specific as to when a woman can marry another man, or the scribe of 4QDeuta, as well as the LXX translator, omitted them via homoeoteleuton (from מביתו at the end of verse 1 to the same in verse 2). והלכה והיתה לאיש אחר
3	ושנאה האיש האחרון לו לאשה וכתב לה ספר כריתות 4QDeutf: of divorce (plene spelling). 4QDeuta reads כרתת, which is either a full defective form or a scribal spelling mistake (as כרתת would technically mean beams!). Masoretic and SP read the defective form כריתת. ונתן בידה ושלחה מביתו או כי ימות האיש האחרון אשר לקחה לו לאשה
4	לא יוכל בעלה הראשון אשר שלחה לשוב לקחתה להיות לו לאשה אחרי אשר הטמאה כי תועבה היא לפני יהוה ולא תחטא את הארץ אשר יהוה אלהיך נתן לך נחלה
5	כי יקח איש אשה חדשה לא יצא בצבא ולא יעבר עליו כל דבר נקי יהיה לביתו שנה אחת ושמח את אשתו אשר לקח
6	לא תחבל רחים ורכב כי נפש הוא חבל
7	כי ימצא איש גנב נפש מאחיו מבני ישראל והתעמר בו ומכרו ומת הגנב ההוא ובערת הרע מקרבך
8	השמר בנגע הצרעת לשמר מאד ולעשות ככל אשר יורו אתכם הכהנים הלוים כאשר צויתם תשמרו לעשות
10	כי תשה ברעך משאת מאומה לא תבא אל ביתו לעבט עבטו
11	בחוץ תעמד והאיש אשר אתה נשה בו יוצא אליך את העבוט החוצה
13	השב תשיב לו את העבט כבוא השמש ושכב בשלמתו וברכך ולך תהיה צדקה לפני יהוה אלהיך
14	לא תעשק שכר עני ואביון מאחיך או מגרך אשר בארצך בשעריך
15	ביומו תתן שכרו ולא תבוא עליו השמש כי עני הוא ואליו הוא נשא את נפשו ולא יקרא עליך אל יהוה והיה בך חטא
16	לא ימות אבות על בנים ובנים לא יומתו על אבות איש בחטאו יומתו
17	לא תטה משפט גר יתום ולא תחבל בגד אלמנה
18	וזכרת כי עבד היית במצרים ויפדך יהוה אלהיך משם על כן אנכי מצוך לעשות את הדבר הזה
19	כי תקצר קצירך בשדך ושכחת עמר בשדה לא תשוב לקחתו לגר ליתום ולאלמנה יהיה למען יברכך יהוה אלהיך בכל מעשה ידיך
20	כי תחבט זיתך לא תפאר אחריך לגר ליתום ולאלמנה יהיה
21	כי תבצר כרמך לא תעולל אחריך לגר ליתום ולאלמנה יהיה
22	וזכרת כי עבד היית בארץ מצרים על כן אנכי מצוך לעשות את הדבר הזה
Chapter 25
1	כי יהיה ריב בין אנשים ונגשו אל המשפט ושפטום והצדיקו את הצדיק והרשיעו את הרשע
2	והיה אם בן הכות הרשע והפילו השפט והכהו לפניו כדי רשעתו במספר
3	ארבעים יכנו לא יסיף פן יסיף להכתו על אלה מכה רבה ונקלה אחיך לעיניך
5	כי ישבו אחים יחדו ומת אחד מהם ובן אין לו לא תהיה אשת המת החוצה לאיש זר יבמה יבא עליה ולקחה לו לאשה ויבמה
6	והיה הבכור אשר תלד יקום על שם אחיו המת ולא ימחה שמו מישראל
7	ואם לא יחפץ האיש לקחת את יבמתו ועלתה יבמתו השערה אל הזקנים ואמרה מאין יבמי להקים לאחיו שם בישראל לא אבה יבמי
8	וקראו לו זקני עירו ודברו אליו ועמד ואמר לא חפצתי לקחתה
9	ונגשה יבמתו אליו לעיני הזקנים וחלצה נעלו מעל רגלו וירקה בפניו וענתה ואמרה ככה יעשה לאיש אשר לא יבנה את בית אחיו
13	לא יהיה לך בכיסך אבן ואבן גדולה וקטנה
14	לא יהיה לך בביתך איפה ואיפה גדולה וקטנה
15	אבן שלמה וצדק יהיה לך איפה שלמה וצדק יהיה לך למען יאריכו ימיך על האדמה אשר יהוה אלהיך נתן לך
16	כי תועבת יהוה אלהיך כל עשה אלה כל עשה עול
17	זכור את אשר עשה לך עמלק בדרך בצאתכם ממצרים
18	אשר קרך בדרך ויזנב בך כל הנחשלים אחריך ואתה עיף ויגע ולא ירא אלהים
19	והיה בהניח יהוה אלהיך לך מכל איביך מסביב בארץ אשר יהוה אלהיך נתן לך נחלה לרשתה תמחה את זכר עמלק מתחת השמים לא תשכח
Chapter 26
1	והיה כי תבוא אל הארץ אשר יהוה אלוהיכה נותן לך נחלה וירשתה וישבת בה
2	ולקחת מראשית כל פרי האדמה אשר תביא מארצך אשר יהוה אלהיך נתן לך ושמת בטנא והלכתה אל המקום אשר יבחר יהוה אלהיך לשכן שמו שמה
3	ובאת אל הכהן אשר יהיה בימים ההם ואמרת אליו הגדתי היום לפני יהוה אלוהיכה כי באתי אל הארץ אשר נשבע יהוה לאבתינו לתת לנו
4	ולקח הכוהן את הטנא מידכה והניחו לפני מזבח יהוה אלהיך
5	וענית ואמרת לפני יהוה אלהיך ארמי אבד אבי וירד מצרימה ויגר שם במתי מעט ויהי שם לגוי גדול עצום ורב
6	וירעו אתנו המצרים ויענונו ויתנו עלינו עבדה קשה
14	לא אכלתי באני ממנו ולא בערתי ממנו בטמא ולא נתתי ממנו למת שמעתי בקול יהוה אלהי עשיתי ככל אשר צויתני
15	השקיפה ממעון קדשך מן השמים וברך את עמך את ישראל ואת האדמה אשר נתתה לנו כאשר נשבעת לאבתינו ארץ זבת חלב ודבש
18	ויהוה האמירכה היום להיות לו לעם סגלה כאשר דבר לכה ולשמר את כל מצותיו
19	ולתתך עליון על כל הגוים אשר עשה לשם ולתהלה ולתפארת עם קדש ליהוה אלהיך כאשר דבר לך
Chapter 27
1	ויצו משה וזקני ישראל את העם לאמר שמר את כל המצוה הזאת אשר אנכי מצוה אתכם היום
2	והיה ביום אשר תעברו תעברו את הירדן אל הארץ אשר יהוה אלהיך נתן לך והקמת לך אבנים גדלות ושדת אתם בשיד
3	וכתבת עליהן את כל דברי התורה הזאת בעברך למען אשר תבוא אל הארץ אשר יהוה אלהיך נתן לך ארץ זבת חלב ודבש כאשר דבר יהוה אלהי אבתיך לך
4	והיה בעברכם את הירדן תקימו את האבנים האלה אשר אנכי מצוה אתכם היום בהר עיבל ושדת אותם בשיד
5	ובנית שם מזבח ליהוה אלהיך מזבח אבנים לא תניף עליהם ברזל
6	אבנים שלמות תבנה את מזבח יהוה אלהיך והעלית עליו עולת ליהוה אלהיך
7	וזבחת שלמים ואכלת שם ושמחת לפני יהוה אלהיך
8	וכתבת על האבנים את כל דברי התורה הזאת באר היטב
9	וידבר משה והכהנים הלוים אל כל ישראל לאמר הסכת ושמע ישראל היום הזה נהיית לעם ליהוה אלהיך
10	ושמעת בקול יהוה אלהיך ועשית את מצותו ואת חקיו אשר אנכי מצוך היום
24	ארור מכה רעהו בסתר ואמר כל העם אמן
25	ארור לקח שחד להכות נפש דם נקי ואמר כל העם אמן
26	ארור אשר לא יקים את דברי התורה הזאת לעשות אותם ואמרו כל העם אמן
Chapter 28
1	והיה אם שמוע תשמע בקול יהוה אלהיך לעשות את כל מצותיו אשר אנוכי מצוך היום ונתנך יהוה אלהיך עליון על כל גויי הארץ
2	ובאו עליך כל הברכות האלה והשיגוך כי תשמע בקול יהוה אלהיך
3	ברוך אתה בעיר וברוך אתה בשדה
4	ברוך פרי בטנך ופרי אדמתך ופרי בהמתך שגר אלפיך ועשתרות צאנך
5	ברוך טנאך ומשארתך
6	ברוך אתה בבואך וברוך אתה בצאתך
7	יתן יהוה את אויביך הקמים עליך נגפים לפניך בדרך אחד יצאו אליך ובשבעה דרכים ינוסו לפניך
8	יצו יהוה אתך את הברכה באסמיך ובכל משלח ידך וברכך בארץ אשר יהוה אלהיך נתן לך
9	יקימך יהוה לו לעם קדוש כאשר נשבע לך כי תשמר את מצות יהוה אלהיך והלכת בדרכיו
10	וראו כל עמי הארץ כי שם יהוה נקרא עליך ויראו ממך
11	והותרך יהוה לטובה בפרי בטנך ובפרי בהמתך ובפרי אדמתך על האדמה אשר נשבע יהוה לאבתיך לתת לך
12	יפתח יהוה לך את אוצרו הטוב את השמים לתת מטר ארצך בעתו ולברך את כל מעשה ידך והלוית גוים רבים ואתה לא תלוה
13	ונתנך יהוה לראש ולא לזנב והיית רק למעלה ולא תהיה למטה כי תשמע אל מצות יהוה אלהיך אשר אנכי מצוך היום לשמר ולעשות
14	ולא תסור מכל הדברים אשר אנכי מצוה אתכם היום ימין ושמאול ללכת אחרי אלהים אחרים לעבדם
15	והיה אם לא תשמעון בקול יהוה אלהיך לעשות את כל וחקתיו אשר אנכי מצוך היום ובאו עליך כל הקללות האלה והשיגוך
16	ארור אתה בעיר וארור אתה בשדה
17	ארור טנאך ומשארתך
18	ארור פרי בטנך ופרי אדמתך שגר אלפיך ועשתרות צאנך
20	ישלח יהוה בך את המארה את המהומה ואת המגערת בכל משלח ידך אשר תעשה עד השמדך ועד אבדך מהר מפני רע מעלליך אשר עזבתני
21	ידבק יהוה בך את הדבר עד כלתו אתך מעל האדמה אשר אתה בא שמה לרשתה
22	יככה יהוה בשחפת ובקדחת ובדלקת ובחרחר ובחרב ובשדפון ובירקון ורדפוך 4QDeutg, Mas, LXX: and they shall pursue you. 4QDeutc and SP read ירדפוך meaning they shall pursue you. עד אבדך
23	והיו שמיך אשר על ראשך נחשת והארץ אשר תחתיך ברזל
24	יתן יהוה את מטר ארצך אבק ועפר מן השמים ירד עליך עד השמדך
25	יתנך יהוה נגף לפני איביך בדרך אחד תצא אליו ובשבעה דרכים תנוס לפניו והיית לזעוה לכל ממלכות הארץ
27	יככה יהוה בשחין מצרים ובעפלים ובגרב ובחרס אשר לא תוכל להרפא
28	יככה יהוה בשגעון ובעורון ובתמהון לבב
29	והיית ממשש בצהרים כאשר ימשש העור באפלה ולא תצליח את דרכיך והיית אך עשוק וגזול כל הימים ואין מושיע
30	אשה תארש ואיש אחר ישגלנה בית תבנה ולא תשב בו כרם תטע ולא תחללנו
33	פרי אדמתך וכל יגיעך יאכל עם אשר לא ידעת והיית רק עשוק ורצוץ כל הימים
35	יככה יהוה בשחין רע על הברכים ועל השקים אשר לא תוכל להרפא מכף רגלך ועד קדקדך
36	יולך יהוה אותך ואת מלכך אשר תקים עליך אל גוי אשר לא ידעת אתה ואבתיך ועבדת שם אלהים אחרים עץ ואבן
44	הוא ילוך ואתה לא תלונו הוא יהיה לראש ואתה תהיה לזנב
45	ובאו עליך כל הקללות האלה ורדפוך והשיגוך עד השמדך כי לא שמעת בקול יהוה אלהיך לשמר מצותיו וחקתיו אשר צוך
46	והיו בך לאות ולמופת ובזרעך עד עולם
47	תחת אשר לא עבדת את יהוה אלהיך בשמחה ובטוב לבב מרב כל
48	ועבדת את איביך אשר ישלחנו יהוה בך ברעב ובצמא ובעירם ובחסר כל ונתן על ברזל על צוארך עד השמידו אתך
49	ישא יהוה עליך גוי מרחוק מקצה הארץ כאשר ידאה הנשר גוי אשר לא תשמע לשנו
50	גוי עז פנים אשר לא ישא פנים לזקן ונער לא יחן
51	ואכל פרי בהמתך ופרי אדמתך עד השמדך אשר לא ישאיר לך דגן תירוש ויצהר שגר אלפיך ועשתרות צאנך עד האבידו אתך
52	והצר לך בכל שעריך עד רדת חמתיך הגבהות והבצרות אשר אתה בטח בהן בכל ארצך והצר לך בכל שעריך בכל ארצך אשר נתן יהוה אלהיך לך
53	ואכלת פרי בטנך בשר בניך ובנתיך אשר נתן לך יהוה אלהיך במצור ובמצוק אשר יציק לך איבך
58	אם לא תשמר לעשות את כל דברי התורה הזאת הכתובים בספר הזה ליראה את השם הנכבד והנורא הזה את יהוה אלהיך
59	והפלא יהוה את מכתך ואת מכות זרעך מכות גדלות ונאמנות וחלים רעים ונאמנים
61	גם כל חלי וכל מכה אשר לא כתוב בספר התורה הזאת יעלם יהוה עליך עד השמדך
62	ונשארתם במתי מעט תחת אשר הייתם ככוכבי השמים לרב כי לא שמעת בקול יהוה אלהיך
67	בבקר תאמר מי יתן ערב ובערב תאמר מי יתן בקר מפחד לבבך אשר תפחד וממראה עיניך אשר תראה
68	והשיבך יהוה מצרים באניות בדרך אשר אמרתי לך לא תסיף עוד לראתה והתמכרתם שם לאיביך לעבדים ולשפחות ואין קנה
Chapter 29
2	המסות הגדלת אשר ראו עיניך האתת והמפתים הגדלים ההם
3	ולא נתן יהוה לכם לב לדעת ועינים לראות ואזנים לשמע עד היום הזה
4	ואולך אתכם ארבעים שנה במדבר לא בלו שלמתיכם מעליכם ונעלך לו בלתה מעל רגלך
5	לחם לא אכלתם ויין ושכר לא שתיתם למעך תדעו כי אני יהוה אלהיכם
9	אתם נצבים היום כלכם לפני יהוה אלהיכם ראשיכם שבטיכם זקניכם ושטריכם כל איש ישראל
10	טפכם ונשיכים וגרך אשר בקרב מחניך מחטב עציך עד שאב מימיך
11	לעברך בברית יהוה אלהיך ובאלתו אשר יהוה אלהיך כרת עמך היום
12	למען הקים אתך היום לו לעם והוא יהיה לך לאלהים כאשר דבר לך וכאשר נשבע לאבתיך לאברהם ליצחק וליעקב
13	ולא אתכם לבדכם אנכי כרת את הברית הזאת ואת האלה הזאת
14	כי את אשר ישנו פה עמנים לפני יהוה אלהינו ואת אשר איננו פה עמנו היום
15	כי אתם ידעתם את אשר ישבנו בארץ מצרים ואת אשר עברנו בקרב הגוים אשר עברתם
16	ותראו את שקוציהם ואת גלוליהם עץ ואבן כסף וזהב אשר עמהם
17	פן יש בכם איש או אשה או משפחה או שבט אשר לבבו פנה היום מעם יהוה אלהינו ללכת לעבד את אלהי הגוים ההם פן יש בכם שרש פרה ראש ולענה
18	והיה בשמעו את דברי האלה הזאת והתברך בלבבו לאמר שלום יהיה לי כי בשררות לבי אלך למען ספות הרוה את הצמאה
19	לא יאבה יהוה סלח לו כי אז יעשן אף יהוה וקנאתו באיש ההוא ודבקה בו כל האלה הכתובה בספר הזה ומחה יהוה את שמו מתחת השמים
22	גפרית ומלח שרפה כל ארצה לא תזרע ולא תצמח ולא יעלה בה כל עשב כמהפכת סדם ועמרה אדמה וצביים אשר הפך יהוה באפו ובחמתו
23	ואמרו כל הגוים על מה עשה יהוה ככה לארץ הזאת מה חרי האף הגדול הזה
24	ואמרו על אשר עזבו את ברית יהוה אלהי אבותם כרת עמם בהוציאו אתם מארץ מצרים
25	וילכו ויעבדו אלהים אחרים וישתחוו להם אלהים אשר לא ידעום ולא חלק להם
27	ויתשם יהוה מעל אדמתם באף ובחמה ובקצף גדול וישלכם אל ארץ אחרת כיום הזה
29	והבדילו יהוה לרעה מכל שבטי ישראל ככל אלות הברית הכתובה בספר התורה הזה
Chapter 30
3	ושב יהוה אלהיך את שבותך ורחמך ושב וקבצך מכל העמים אשר הפיצך יהוה אלהיך שמה
4	אם יהיה נדחך בקצה השמים משם יקבצך יהוה אלהיך ומשם יקחך
5	והביאך יהוה אלהיך אל הארץ אשר ירשו אבתיך וירשתה והיטבך והרבך מאבתיך
6	ומל יהוה אלהיך את לבבך ואת לבב לבב זרעך לאהבה את יהוה אלהיך בכל לבבך ובכל נפשך למען חייך
7	ונתן יהוה אלהיך את כל האלות האלה על איביך ועל שנאיך אשר רדפוך
8	ואתה תשוב ושמעת בקול יהוה ועשית את כל מצותיו אשר אנכי מצוך היום
9	והותירך יהוה אלהיך בכל מעשה ידך בפרי בטנך ובפרי אדמתך ובפרי בהמתך לטובה כי ישוב יהוה לשוש עליך לטוב כאשר שש על אבתיך
10	כי תשמע בקול יהוה אלהיך לשמר מצותיו וחקותיו הכתובים בספר התורה הזה כי תשוב אל יהוה אלהיך בכל לבבך ובכל נפשך
11	כי המצוה הזאת אשר אנכי מצוך היום לא נפלאת הוא ממך ולא רחוקה היא ממך
12	לא בשמים הוא לאמר מי יעלה לנו השמימה ויקחה לנו וישמענו אתה ונעשנה
13	ולא מעבר לים היא לאמר מי יעבר לנו אל עבר הים ויקחה לנו וישמענו אתה ונעשנה
14	כי קרוב אליך הדבר מאד בפיך ובלבבך ובידך לעשותו
15	ראה נתתי לפניך היום את החיים ואת הטוב ואת המות ואת הרע
16	אשר אנכי מצוך היום לאהבה את יהוה אלהיך ללכת בדרכיו ולשמר מצותיו וחקתיו ומשפטיו וחיית ורבית וברכך יהוה אלהיך בארץ אשר אתה בא שמה לרשתה
17	ואם יפנה לבבך ולא תשמע ונדחת והשתחוית לאלהים אחרים ועבדתם
18	הגדתי לכם היום כי אבד תאבדון לא תאריכן ימים על האדמה אשר אתה עבר את הירדן לבא שמה לרשתה
19	העידתי בכם היום את השמים ואת הארץ החיים והמות נתתי לפניך הברכה והקללה ובחרת בחיים למען תחיה אתה וזרעך
20	לאהבה את יהוה אלהיך לשמע בקלו ולדבקה בו כי הוא חייך וארך ימיך לשבת על האדמה אשר נשבע יהוה לאבתיך לאברהם ליצחק וליעקב לתת להם
Chapter 31
9	ויכתב משה את התורה הזאת על ספר ויתנה אל הכהנים בני לוי הנשאים את ארון ברית יהוה ואל כל זקני ישראל
10	ויצו משה אתם לאמר מקץ שבע שנים במעד שנת השמטה בחג הסכות
11	בבוא כל ישראל לראות את פני יהוה אלהיך במקום אשר יבחר תקראו את התורה הזאת נגד כל ישראל באזניהם
12	הקהל את העם האנשים והנשים והטף וגרך אשר בשעריך למען ישמעו ולמען ילמדו ויראו את יהוה אלהיהם ושמרו לעשות את כל דברי התורה הזאת
14	ויאמר יהוה אל משה הן קרבו ימיך למות קרא את יהושע והתיצבו באהל מועד ואצונו וילך משה ויהושע ויתיצבו באהל מועד
15	וירא יהוה באהל בעמוד ענן ויעמד עמוד הענן פתח האהל
16	ויאמר יהוה אל משה הנך שכב עם אבתיך וקם העם הזה וזנה אחרי אלהי נכר הארץ אשר הוא בא שמה בקרבו ועזבוני והפרו את בריתי אשר כרתי אתו
17	וחרה אפי בו ביום ההוא ועזבתיך והסתרתי פני מהם והיה לאכל ומצאוהו רעות רבות וצרות ואמרו ביום ההוא הלוא על כי אין יהוה אלהי בקרבי מצאוני הרעות האלה
18	ואנוכי הסתר אסתיר פני ממנו ביום ההוא על כל הרעה אשר עשה כי פנה אל אלהים אחרים
19	ועת כתבו לכם את דברי השירה הזאת ולמדה את בני ישראל שימוה בפיהם למען תהיה לי השירה הזאת לעד בבני ישראל
24	ויהי ככלות משה לכתב את דברי התורה הזאת על ספר עד תמם
25	ויצו משה את הלוים נשאי ארון ברית יהוה לאמר
26	לקח את ספר התורה הזאת ושמתם אתו מצד ארון ברית יהוה אלהיכם והיה שם בך לעד
27	כי אנכי ידעתי את מריך ואת ערפך הקשה הן בעודני חי עמכם היום ממרים הייתם עם יהוה ואף כי אחרי מותי
28	הקהילו אלי את כל זקני שבטיכם וזקניכם ושפטיכם ושטריכם ואדברה באזניהם את הדברים האלה ואעידה בם את השמים ואת הארץ
29	כי ידעתי אחרי מותי כי השחת תשחתון וסרתם מן הדרך אשר צויתי אתכם וקראת אתכם הרעה באחרית הימיםכי תעשו את הרע בעיני יהוה להכעסו במעשה ידיכם
30	וידבר משה באזני כל קהל ישראל את דברי השירה הזאת עד תמם
Chapter 32
1	האזינו השמים ואדברה ותשמע הארץ אמרי פי
2	יערף כמטר לקחי תזל כטל אמרתי כשעירם עלי דשא וכרביבים עלי עשב
3	כי שם יהוה אקרא הבו גדולה לאלהינו
6	ה ליהוה תגמלו זאת עם נבל ולא חכם הלוא הוא אביך קנך הוא עשך ויכננך
7	זכר ימות עולם בינו שנות דור ודור שאל אביך ויגדך זקניך ויאמרו לך
8	בהנחיל עליון גוים בהפרידו בני אדם יצב גבלת עמים למספר בני אלוהים
9	כי חלק יהוה עמו יעקב חבל נחלתו
10	ימצאהו בארץ מדבר ובתהו ילל ישמן יסובבנהו יבוננהו יצרנהו כאישון עינו
11	lang="palaeo-heb" כנשר יעיר קנו על גוזליו ירחף יפרש כנפיו יקחהו ישאהו על אברתו
13	ירכבהו על במתי ארץ ויאכל תנובת שדי וינקהו דבש מסלע ושמן מחלמיש צור
14	חמאת בקר וחלב צאן עם חלב כרים ואילים בני בשן ועתודים עם חלב כליות חטה ודם ענב תשתה חמר
17	יזבחו לשדים לוא אלה אלהים לוא ידעום חדשים מקרוב באו לוא שערום אבתיכם
18	צור ילדך תשי תשכח אל מחללך
19	וירא יהוה וינאץ מכעס בניו ובנותיו
20	ויאמר אסתירה פני מהם אראה מה אחריתם כי דור תהפכת המה בנים לא אמן בם
21	הם קנאוני בלא אל כעסוני בהבליהם ואני אקניאם בלא עם בגוי נבל אכעיסם
22	כיא אש קדחה באפי ותיקד עד שאול תחתית ותאכל ארץ ויבולה ותלהט מוסדי הרים
23	אספה עלימו רעות חצי אכלה בם
24	מזי רעב ו לחמי רשף וקטב מרירי ושן בהמות אשלח בם עם חמת זחלי עפר
25	מחוץ תשכל חרב ומחדרים אימה גם בחור גם בתולה יונק עם איש שיבה
26	אמרתי אפאיהם אשבית מאנוש זכרם
27	לולי כעס אויב אגור פן ינכרו צרימו פן יאמרו ידינו רמה ולא אדני פעל כל זאת
29	לו חכמו ישכילו זאת יבינו לאחריתם
33	חמת תנינם יינם וראש פתנים אכזר
35	לי נקם ושלם לעת תמוט רגלם כי קרוב יום אידם וחש עתדת למו
37	ואמר יהוה איה אלהימו הצור אשר חסיו בו
38	אשר חלבי זבחימו יאכלו ישתו יין נסיכם יקומו ויעזרכם יהי עליכם סתרה
39	ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל
40	כי אשא אל שמים ידי ואמרתי חי אנכי לעולם
41	אם שנתי ברק חרבי ותאחז במשפט ידי אשיב נקם לצרי ולמשנאי אשלם
42	אשכירה חצי מדם וחרבי תאכל בשר מדם חלל ושביה ומראש פרעות איוב
43	הרנינו שמים עמו והשתחוו לו כל אלהים כי דם בניו יקום ונקם ישיב לצריו ולמשנאיו ישלם ויכפר אדמת עמו
Chapter 33
1	וזאת הברכה אשר ברך משה איש האלהים את בני ישראל לפני מותו
2	ויאמר יהוה מסיני בא וזרח משעיר למו הופיע מהר פארן ואתה מרבבות קדש מימינו אשדת למו
3	אף חבב עמים כל קדשיו בידך והם תכון לרגלך ישא מדברתיך
5	ויהי בישרון מלך בהתאסף ראשי עם יחד שבטי ישראל
6	יחי ראובן ואל ימת ויהי מתיו מספר
7	וזאת ליהודה ויאמר שמע יהוה לקול יהודה ואל עמו תביאנו ידיו רב לו ועזר מצריו תהיה לי
8	וללוי אמר הבו ללוי אוריו ותמיו לאיש חסיד אשר נסיתו במסה תריבהו על מי מריבה
9	האמר לאביו ולאמו לא ראיתך ואת אחיו לא הכיר ואת בנו לא ידע כי שמר אמרתך בריתך ינצר
10	יור משפטיך ליעקב ותורתך לישראל ישם קטורה באפך וכלל על מזבחך
11	ברך יהוה חילו ופעלת ידו תרצה מחץ מתני קמו ומשנאו בל יקומו
12	ולבנימן אמר ידיד יהוה ישכן לבטח אל מחופף עליו כל היום ובין כתיפיו שכן
13	וליוסף אמר מברכת יהוה ארצו ממגד 1QDeutb, Mas, SP, LXX: the excellences. 4QDeuth reads וממגד meaning and the excellences. שמים מטל ומתהום רבצת תחת
14	וממגד תבואת שמש וממגד גרש ירחים
15	וממגד הררי קדם וממגד גבעת עולם
16	וממגד ארץ ומלאה ורצון שכני סנה תבואתה לראש יוסף ולקדקד נזיר אחיו
17	בכור שור 1QDeutb, SP, LXX: of a bull. 4QDeuth and Masoretic read שורו meaning of his bull. הדר לו וקרני ראם קרנו בהם עמים ינגח יחדו אפסי ארץ והם רבבות MasDeut, Mas, SP: the myriads. 4QDeuth reads רבבת, which is either a defective spelling, or is the singular form and would mean the myriad. אפרים והם אלפי מנשה
18	ולזבולן אמר שמח זבולן בצאתך ויששכר באהליך
19	עמים הדו 4QDeuth: shout for him. MasDeut and Masoretic read הר meaning mountain. SP reads הרי meaning mountains. יקראו שם יזבחו זבחי צדק כי שפע ימים ינקו ושפני טמוני MasDeut, Mas, SP: concealments (plene spelling). 4QDeuth has the defective spelling טמני. חול
20	ולגד אמר ברוך מרחיב גד כלביא שכן וטרף זרוע ואף 4QDeuth: and also. MasDeut and Masoretic read אף meaning as well as. SP reads וגם meaning and in addition. קדקד
21	וירא ראשת לו כי שם חלקת מחקק ספון ויתא ראשי עם צדקת יהוה עשה ומשפטו עם ישראל
22	ולדן אמר דן גור אריה יזנק מן הבשן
23	ולנפתלי אמר נפתלי שבע רצון ומלא ברכת יהוה ים ודרום ירשה
24	ולאשר אמר ברוך מבנים אשר יהי רצוי אחיו וטבל בשמן רגלו
29	אשריך ישראל מי כמוך עם נושע ביהוה מגן עזרך ואשר חרב גאיתך יכחשו איביך לך ואתה על במותימו תדרך
Chapter 34
1	ויעל משה מערבת מואב אל הר נבו ראש הפסגה אשר על פני יריחו ויראהו יהוה את כל הארץ את הגלעד עד דן
2	ואת כל נפתלי ואת ארץ אפרים ומנשה ואת כל ארץ יהודה עד הים האחרון
3	ואת הנגב ואת הככר בקעת ירחו עיר התמרים עד צער
4	ויאמר יהוה אליו זאת הארץ אשר נשבעתי לאברהם ליצחק וליעקב לאמר לזרעך אתננה הראיתיך בעיניך ושמה לא תעבר
5	וימת שם משה עבד יהוה בארץ מואב על פי יהוה
6	ויקברו 4QDeutl, LXX: and they (the Israelites) buried. MasDeut, Masoretic and SP read ויקבר meaning and He (Yahweh) buried. אתו בגי בארץ מואב מול בית פעור ולא ידע איש את קברתו עד היום הזה
8	ויבכו בני ישראל את משה בערבת מואב שלשים יום ויתמו ימי בכי אבל משה

Download PDF file

Download XML file

Download Notes XML file