ΙΟΥΔΑ
1 - 2
Ιουδας ΙΗΥ ΧΡΥ δουλος, αδελφος δε Ιακωβου, τοις εν ΘΩ ΠΡΙ ηγαπημενοις και ΙΗΥ ΧΡΩ τετηρημενοις κλητοις· ελεος υμιν και ειρηνη και αγαπη πληθυνθειη.
3 - 4
Αγαπητοι, πασαν σπουδην ποιησαμενος του γραφειν υμιν περι της κοινης ημων σωτηριας αναγκην εσχον γραψαι υμιν παρακαλων επαγωνιζεσθαι τη απαξ παραδοθειση τοις αγιοις πιστει. παρεισεδυσαν γαρ τινες ΑΝΟΙ, οι παλαι προγεγραμμενοι εις τουτο το κριμα, ασεβεις, την του ΘΥ ημων χαριτα μετατιθεντες εις ασελγειαν και τον ημων δεσποτην και ΚΝ ημων ΙΗΝ ΧΡΝ αρνουμενοι.
5 - 16
Υπομνησαι δε υμας βουλομαι, ειδοτας απαξ παντας οτι ΘΣ ΧΡΣ λαον εκ γης Αιγυπτου σωσας το δευτερον τους μη πιστευσαντας απωλεσεν, αγγελους τε τους μη τηρησαντας την εαυτων αρχην αλλα απολιποντας το ιδιον οικητηριον εις κρισιν μεγαλης ημερας δεσμοις αιδιοις υπο ζοφον τετηρηκεν, ως Σοδομα και Γομορρα και αι περι αυτας πολεις τον ομοιον τροπον τουτοις εκπορνευσασαι και απελθουσαι οπισω σαρκος ετερας, προκεινται δειγμα πυρος αιωνιου δικην υπεχουσαι. Ομοιως μεντοι και ουτοι ενυπνιαζομενοι σαρκα μιαινουσιν κυριοτητα δε αθετουσιν δοξας δε βλασφημουσιν. Ο δε Μιχαηλ ο αρχαγγελος, οτε τω διαβολω διακρινομενος διελεγετο περι του Μωυσεως σωματος, ουκ ετολμησεν κρισιν επενεγκειν βλασφημιας αλλα ειπεν· επιτιμησαι σοι ΚΣ. Ουτοι δε οσα μεν ουκ οιδασιν βλασφημουσιν, οσα δε φυσικως ως τα αλογα ζωα επιστανται, εν τουτοις φθειρονται. ουαι αυτοις, οτι τη οδω του Καιν επορευθησαν και τη πλανη του Βαλαακ μισθου εξεχυθησαν και τη αντιλογια του Κορε απωλοντο. Ουτοι εισιν οι εν ταις αγαπαις υμων σπιλαδες συνευχομενοι αφοβως, εαυτους ποιμαινοντες, νεφελαι ανυδροι υπο ανεμων παραφερομεναι, δενδρα φθινοπωρινα ακαρπα δις αποθανοντα εκριζωθεντα, κυματα αγρια θαλασσης επαφριζοντα τας εαυτων αισχυνας, αστερες πλανηται οις ζοφος του σκοτους εις αιωνα τετηρηται. Επροφητευσεν δε και τουτοις εβδομος απο Αδαμ Ενωχ λεγων· ιδου ηλθεν ΚΣ εν αγιων αγγελων μυριασιν ποιησαι κρισιν κατα παντων και ελεγξαι πασαν ψυχην περι παντων των σκληρων ων ελαλησαν κατ' αυτου αμαρτωλοι ασεβεις. Ουτοι εισιν γογγυσται μεμψιμοιροι κατα τας επιθυμιας εαυτων πορευομενοι, και το στομα αυτων λαλει υπερογκα, θαυμαζοντες προσωπα ωφελειας χαριν.
17 - 25
Υμεις δε, αγαπητοι, μνησθητε των ρηματων των προειρημενων υπο των αποστολων του ΚΥ ημων ΙΗΥ ΧΡΥ οτι ελεγον υμιν· οτι επ' εσχατου χρονου εσονται εμπαικται κατα τας εαυτων επιθυμιας πορευομενοι των ασεβειων. Ουτοι εισιν οι αποδιοριζοντες, ψυχικοι, ΠΝΑ μη εχοντες. Υμεις δε, αγαπητοι, τη εαυτους αγιωτατη πιστει ανοικοδομεισθαι, εν ΠΝΤΙ αγιω προσευχομενοι εαυτοις, εαυτους εν αγαπη ΘΥ τηρησωμεν προσδεχομενοι το ελεος του ΚΥ ημων ΙΗΥ ΧΡΥ εις ζωην αιωνιον. Ους μεν εκ πυρος αρπασατε διακρινομενους, δε ελεατε εν φοβω μισουντες και τον απο της σαρκος εσπιλωμενον χιτωνα. Τω δε δυναμενω στηριξαι ασπειλους αμωμους αγνευομενους απεναντι της δοξης αυτου εν αγαλλιασει, μονω ΘΩ ημων αυτω δοξα κρατος τιμη δια ΙΗΥ ΧΡΥ του ΚΥ ημων αυτω δοξα και μεγαλοσυνη και νυν και εις παντας τους αιωνας, αμην.