The Way To Yahuweh
I am Yahuweh – That is My Name
Isaiah 42:8

Dead Sea Scrolls Textual Critical Edition – Judges

Dead Sea Scrolls TC Edition - Judges

Judges / שפטים - According to Dead Sea Scrolls Manuscripts Combined

Chapter 1
10 וילך יהודה אל הכנעני הישב בחברון ושם חברון לפנים קרית ארבע ויכו את ששי ואת אחימן ואת תלמי
11 וילך מ‍שם אל ישבי דביר ושם דביר לפנים קרית ספר
12 ויאמר כלב אשר יכה את קרית ספר ולכדה ונתתי לו את עכסה בתי לאשה
Chapter 3
23 ויצא אהוד המסדרונה ויסגר דלתות העליה בעדו ונעל
24 והוא יצא ועבדיו באו ויראו והנה דלתות העליה נעלות ויאמרו אך מסיך הוא את רגליו בחדר המקרה
Chapter 4
5 והיא יושבת תחת תמר דבורה בין הרמה ובין בית אל בהר אפרים ויעלו אליה בני ישראל למשפט
6 ותשלח ותקרא לברק בן אבינעם מ‍קדש נפתלי ותאמר אליו הלא צוה יהוה אלהי ישראל לך ומשכת בהר תבור ולקחת עמך עשרת אלפים איש מ‍בני נפתלי ומ‍בני זבלון
7 ומשכתי אליך אל נחל קישון את סיסרא שר צבא יבין ואת רכבו ואת המונו ונתתיהו בידך
8 ויאמר אליה ברק אם תלכי עמי והלכתי ואם לא תלכי עמי לא אלך
Chapter 6
2 ותעז יד מדין על ישראל מפני מדין עשו להם בני ישראל את המנהרות אשר בהרים ואת המערות ואת המצדות
3 והיה אם זרע ישראל ועלה מדין ועמלק ובני קדם
4 ויחנו עליהם וישחתו את יבול הארץ עד בואך עזה ולא ישאירו מחיה בישראל שה שור וחמור
5 כי הם ומקניהם יעלו ואהליהם וגמליהם יבאו כדי ארבה לרב ולהם אין מספר ויבאו בארץ לשחתה
6 וידל ישראל מאד מפני מדין ויזעקו בני ישראל אל יהוה
note
The Dead Sea Scrolls manuscript 4QJudga completely omits verses 7-10, showing that they weren’t in the original text of Judges, but were a theological addition to the text later on.
11 ויבא מלאך יהוה וישב תחת האלה אשר בעפרה אשר ליואש האביעזרי וגדעון בנו חבט חטים בגת להניס מפני מדין
12 וירא אליו מלאך יהוה ויאמר אליו יהוה עמך גבור החיל
13 ויאמר אליו גדעון בי אדני ויש אלהים עמנו ולמה מצאתנו כל זאת ואיה כל נפלאתיו שספרו לנו אבתינו לאמר הלא ממצרים העלנו יהוה ועתה נטשנו יהוה ויתננו בכף מדין
20 ויאמר אליו מלאך האלֹהים קח את הבשר ואת המצות והנח אל הסלע הלז ואת המרק שפוך ויעש
21 וישלח מלאך יהוה את קצה המשענת אשר בידו ויגע בבשר ובמצות ותעל האש מן הצור ותאכל את הבשר ואת המצות ומלאך יהוה הלך מעיניו
22 וירא גדעון כי מלאך יהוה הוא ס ויאמר גדעון אהה אדני יהוה כי על כן ראיתי מלאך יהוה פנים אל פנים
Chapter 8
1 ויאמרו אליו איש אפרים מה הדבר הזה עשית לנו לבלתי קראות לנו כי הלכת להלחם במדין ויריבון אתו בחזקה
Chapter 9
1 וילך אבימלך בן ירבעל שכמה אל אחי אמו וידבר אליהם ואל כל משפחת בית אבי אמו לאמר
2 דברו נא באזני כל בעלי שכם מה טוב לכם המשל בכם שבעים איש כל בני ירבעל אם משל בכם איש אחד וזכרתם כי עצמכם ובשרכם אני
3 וידברו אחי אמו אליו באזני כל בעלי שכם את כל הדברים האלה ויט לבם אחרי אבימלך כי אמרו אחינו הוא
4 ויתנו לו שבעים כסף מבית בעל ברית וישכר בהם אבימלך אנשים ויקים ופחזים וילכו אחריו
5 ויבא בית אביו עפרתה ויהרג את אחיו בני ירבעל שבעים איש על אבן אחת ויותר יותם בן ירבעל הקטן כי נחבא
6 ויאספו כל בעלי שכם וכל בית מלוא וילכו וימליכו את אבימלך למלך עם אלון מצב אשר בשכם
28 ויאמר געל בן עבד מי אבימלך ומי שכם כי נעבדנו הלא בן ירבעל וזבל פקידו עבדו את אנשי חמור אבי שכם ומדוע נעבדנו אנחנו
29 ומי יתן את העם הזה בידי ואסירה את אבימלך ויאמרו לאבימלך רבה צבאך וצאה
30 וישמע זבל שר העיר את דברי געל בן עבד ויחר אפו מאד
31 וישלח מלאכים אל אבימלך בתרמה לאמר הנה געל בן עבד ואחיו באים שכמה והמה צרים על העיר עליך
40 וירדפם אבימלך וינס מפניו ויפלו חללים רבים עד פתח שער העיר
41 וישב אבימלך בארומה ויגרש זבל את געל ואת אחיו משבת בשכם
42 ויהי ממחרת ויצא העם השדה ויגד לאבימלך
43 ויקח את העם ויחצם לשלשה ראשים ויארב בשדה וירא והנה העם יצא מן העיר ויקם עליהם ויכם
48 הוא וכל העם אשר אתו ויקח אבימלך את הקרדמות בידו ויכרת שוכת עצים וישאה וישם על שכמו ויאמר אל העם אשר עמו מה מא ראיתם עשיתי מהרו עשו כמוני
49 ויכרתו גם כל העם איש שוכה וילכו אחרי אבימלך וישימו על הצריח ויציתו עליהם את הצריח באש וימתו גם כל אנשי מגדל שכם כאלף איש ואשה
Chapter 19
5 ויהי ביום הרביעי וישכימו בבקר ויקם ללכת ויאמר אבי הנערה אל חתנו סעד לבך פת לחם ואחר תלכו
6 וישבו ויאכלו שניהם יחדו וישתו ויאמר אבי הנערה אל האיש הואל נא ולין ויטב ל ב ך
7 ויקם האיש ללכת ויפצר בו חתנו וישב וילן שם
Chapter 21
12 וימצאו מיושבי יביש גלעד ארבע מאות נערה בתולה אשר לא ידעה איש למשכב זכר ויביאו אותם אל המחנה שלה אשר בארץ כנען
13 וישלחו כל העדה וידברו אל בני בנימין אשר בסלע רמון ויקראו להם שלום
15 והעם נחם לבנימן כי עשה יהוה פרץ בשבטי ישראל
16 ויאמרו זקני העדה מה נעשה לנותרים לנשים כי נשמדה מ‍בנימן
17 ויאמרו ירשת פליטה לבנימין ולא ימחה שבט מישראל
19 ויאמרו הנה חג יהוה בשלו מימים ימימה אשר מצפונה לבית אל מזרח השמש למסלה העלה מבית אל שכמה ומנגב ללבונה
20 ויצוו את בני בנימין לאמר לכו וארבתם בכרמים
21 וראיתם והנה אם יצאו בנות שילו לחול במחלות ויצאתם מן הכרמים וחטפתם לכם איש אשתו מבנות שילו והלכתם ארץ בנימין
22 והיה כי יבאו אבותיה או אחיהם לריב אלינו ואמרנו אליהם חנונו אותם כי לא לקחנו איש אשתו במלחמה כי לא אתם נתתם להם כעת תאשמו
23 ויעשו כן בני בנימין וישאו נשים למספרם מהמחללות אשר גזלו וילכו וישובו אל נחלתם ויבנו את הערים וישבו בהם
24 ויתהלכו משם בני ישראל בעת ההיא איש לשבטו ולמשפחתו ויצאו משם איש לנחלתו
25 בימים ההם אין מלך בישראל איש הישר בעיניו יעשה